買納米新樓都唔買居屋、二手樓？ 網民熱議：買百幾呎納米樓究竟有咩原因？

為脫離住公屋可自稱為中產人士？
樓主表示唔明白點解納米樓仲會有人買，並認為買納米樓嘅人係扮中產階層：「依家咁多1、200尺(呎)新私樓點解仲有人買，買唔起大的點解唔住返居屋/二手樓，又窮又要買新樓扮中產係咩心態，日日匿係(喺)間豆鼓屋扮上菜，真係唔理解」，有網民就認同樓主嘅睇法，認為買納米樓係為咗自居中產：「佢地以為咁樣就可以升lv自居做中產」，亦有網民認為係為咗脫離住公屋：「買咗私樓仔，夠資格取笑公屋基層」、「買完咪可以上連登串人公屋仔」、「真，寧在豪宅哭，不在公屋笑」

有靚會所？有高質素鄰居？等樓價升再換大單位？
亦有網民指買納米樓係因為配有華麗嘅大堂以及會所：「酒店式大堂，一流嘅會所，唔打得都睇得」、「同意，全部追新樓，係靚嘅，有會所，單位細仲反而唔洗(使)俾咁多管理費」，有網民就認為係希望鄰居質素更好：「希望少啲痴(黐)線佬」、「真，明明讀u住hall間房都唔大，仲要共用廁所、沖涼，最緊要圍住都係後生仔女，樓主唔明白，同樣係新移民，受過高等教育個(嗰)批，同你係(喺)公屋、居屋見到個(嗰)堆兩類人黎(嚟)」，另外有網民更認為買納米樓係為咗等待樓價上升然後再換大樓：「上咗車先，博(搏)樓價升細換大」、「慢慢細換大」、「有剛需=買樓必賺=先買細樓等升=將來一定可以換大樓」

有網民認為買納米樓是因要脫離公屋基層的身份，並可以自居為中產人士。

亦有網民認為有會所、有更高質素的鄰居以及用作投資亦是買納米樓的原因。

納米樓係豪華劏房？難以應付日常生活？
網民嘅討論亦引申到究竟住納米樓有冇問題，有網民就認為納米樓太細，根本唔適合用作居住：「400尺(呎)已經好x細，200尺(呎)真係一個人都住唔落」、「根本唔應該有納米樓存在啦，都唔係比(畀)人住既(嘅)，細x到」、「返到屋企得張床，帶女上去一開門都尷啦，豪華劏房」，有網民更分析指納米樓根本應付唔到日常生活：「其實真係照顧唔到個生活，一煮野(嘢)食成間屋都係味，仲有d(啲)個廁所係黑廁，一開個大，成間屋都係屎味，個雪櫃放唔到野(嘢)，隨時連洗衣機都冇，癡(黐)x線，買果(嗰)個都onX」

一個住冇問題？單位細更易打理？
不過亦有網民認為納米樓都足夠以供一個人居住：「一個人住，其實無乜問題」、「咁一個人住二百幾都夠嘅」、「後生仔返9放10，要張床位訓(瞓)就夠，放假就去酒店staycation」，更有網民認為單位面積細更方便於清潔以及執屋：「百幾尺(呎)俾單身毒x住好正喎，吸塵5分鐘內搞掂」、「執屋方便啲，咪有咁細買咁細」、「唔多野(嘢)其實幾好住」

有網民形容納米樓為豪華劏房，並認為納米樓空間太細，日常生活會非常不便。

亦有網民認一個人住納米樓其實並無問題，空間尚算足夠，清潔及打理屋企亦更方便。

text/Jonathan
photo/HKET圖片庫

============
同場加映：
【蝸居睇樓團】又一村750呎單位 原則超唔好用？ 打卡圓鏡梳妝枱 弧形櫃用料2大Tips