作為今年新人的MIRROR成員Jeremy（李駿傑），他的第3首派台歌〈阿波羅〉於今日（27日）面世，這次他首度與吳林峰一同作曲，實行我手寫我心。為了新歌，向來盡善盡美的Jeremy，亦不惜延後推出MV，將已度好的拍攝橋段推翻，重新構思。
在經歷過〈半〉了解自己不同面向，以及〈九〉選擇過後的後果，今次Jeremy想以新歌〈阿波羅〉大談經歷過後的成長，「第3首歌想Keep住今年前兩首歌所講嘅光明與黑暗嘅對立，腦內突然想到光明之神阿波羅 ，然後睇資料就發現，原來光明之神都做過d好黑暗、好殘忍嘅事情，但最後都因為佢做過嘅事情，而經歷過好多唔同事情，令佢多咗唔同嘅營養，知道自己點樣成為光明之神。呢個故事啟發咗我寫呢首歌。」
仍在構思第3首歌的最初期，Jeremy已經想到要由自己寫歌，但他有感自己寫歌未夠班，所以找來吳林峰幫手，結果二人在互相配合、磨合下完成了旋律的創作，「好感謝吳林峰幫手，佢都話用咗差不多一個月去作呢首歌。佢都係為呢首歌好，用咗好多精力，去到而家可以俾大家聽，我內心都好感謝佢。」
►同場加映：【衝出黎玩】粉嶺全新農務體驗所Uncle B！5萬呎自家種植大草原/豪華過夜Package
其實促成今次Jeremy首次處男創作，還多得監製王雙駿（Carl），Jeremy道：「同Carl叔講想作歌時，佢都好支持我，所以當有Carl叔允許後就更加有信心去做〈阿波羅〉。」三度跟Carl及周耀輝合作，Jeremy表示過程中大家都好明白大家想要的效果，所以創作過程都十分順暢。
至於〈阿波羅〉的MV，本應跟歌曲同日推出，不過Jeremy將本來已計劃好的拍攝方案推倒重來，所以今次MV將於稍後面世，Jeremy道：「我想呈現更加好嘅畫面俾大家見到，所以就突然改變咗方向，需要更加多嘅時間做前期準備功夫，希望大家都可
以繼續期待。我都好想同大家一齊見證一個更加符合呢首歌嘅MV，希望MV出街嗰日可以Surprise到大家啦！」
〈阿波羅〉的MV本應跟歌曲同日推出，不過Jeremy將本來已計劃好的拍攝方案推倒重來，所以今次MV將於稍後面世⋯⋯
作為今年新人的MIRROR成員Jeremy（李駿傑），他的第3首派台歌〈阿波羅〉於今日（27日）面世，今次Jeremy想以新歌〈阿波羅〉大談經歷過後的成長⋯⋯
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
