日本雜誌附錄 實用拉鍊袋 超搶手!角落生物+ SNOOPY造型袋

2022.11.03

秋風起代表住買衫轉季嘅時侯又到喇~ 今季嘅雜誌附錄中有唔少都係值得介紹嘅手提袋,今次特別挑選咗 6 件唔同風格嘅袋款,介紹畀有唔同需要嘅你哋~ 精選嘅袋款中都不失實用性,有幾個卡通造型嘅手提包仲夠晒得意添,睇下你哋有無啱心水㗎啦!

「CROQUIS LOVE! CROQUIS Book」上採用今期最流行嘅菱格圖案,質地軟綿蓬鬆,摸落超舒服啊!大地色嘅袋配上CROQUIS Book嘅圖案,簡單易襯。

呢個手提包嘅間隔仲非常實用,雖然得A4 Size但都放到好多嘢,一袋走天涯!

Cookpad plus 2023年冬季 推出嘅係呢個「SNOOPY化妝袋連Woodstock 鏡兩件套裝」。全白嘅四方手提化妝袋上印有尸SNOOPY嘅得意表情。除咗可以當成化妝袋,亦可以用作零食袋或雜物袋。內置網袋可以收納好電線或耳機等物品。套裝仲另外具備 Woodstock 嘅圓形鏡。只有手掌心大細,任何Size嘅袋都可以放得落,女士們必備!

「Sakura Crepas」文具商品第五彈登場!外貌係為人熟悉嘅 Coupy-pencil包裝圖案。呢一個外功能袋外層有足夠厚度防撞花,比較適合平板電腦或手提電腦。亦可以同時放入A4文件。使用咁搶眼嘅手提袋一定成為全場焦點啊!

跟住落嚟就係超受歡迎嘅角落生物!今次角落生物手提袋BOOK一次過推出咗3個Version,三個造型袋款都係咁得意,而且絨毛物料嘅觸感超舒服,重點係每個袋嘅拉鏈吊飾都係唔同嘅角落生物嚟,非常有心思~而佢嘅容量都不容忽視,放完嘢入去脹卜卜咁,係加倍嘅可愛啊~

貓咪造型嘅袋超脹卜卜,觸感軟綿綿,好似真係隻小貓咁。拉鏈位係佢好朋友「雜草」。聽講當時缺水嘅雜草就係畀小貓救起,帶去角落,自此就成為咗好朋友喇!

恐龍Ver.嘅手提袋上有偽蝸牛嘅拉鏈吊飾。原來佢真正嘅身份係一隻嚮往成為蝸牛嘅蛞蝓,而恐龍就係佢成日會住嘅其中一個樣東西。

最後就係超級怕生嘅白熊,因為佢係一隻怕凍嘅白熊所以會成日拎住包袱巾包住自己,即拉鏈吊飾上嗰件,佢哋係不可分開㗎!

最尾要介紹嘅係呢個由大園桃子推出嘅時裝品牌「philme」成立一週年紀念袋款。使用灰啡色主調,帶出中性時尚感。袋款係可立式嘅設計,整理物件時會方便好多~ 雖然呢個袋款唔大,但都有4大間隔,好好分類。呢個集時尚及實用嘅袋款,真係好值得入手~

 

【INFO】

「CROQUIS LOVE! CROQUIS Book」

發刊日:2022年10月26日

價錢:2,180日圓(約118港元)

 

「Cookpad plus 2023年冬季」

發刊日:2022年12月7日

價錢:1,200日圓(約65港元)

 

「Sakura Crepas Coupy-pencil A4」

發刊日:2022年9月27日

價錢:2,750日圓(約149港元)

 

「角落生物手提袋BOOK 貓咪Ver.」

發刊日:2022年9月30日

價錢:1,969日圓(約107港元)

 

「角落生物手提袋BOOK 恐龍Ver.」

發刊日:2022年9月30日

價錢:1,969日圓(約107港元)

 

「角落生物手提袋BOOK 白熊Ver.」

發刊日:2022年9月30日

價錢:1,969日圓(約107港元)

 

「philme 1st anniversary book」

發刊日:2022年10月14日

價錢:2,178日圓(約118港元)

 

text/Serena

source/寶島社@official

============

同場加映:

【蝸居睇樓團】沙田舊樓變美式鄉村風二人世界!隱藏門解決五門歸心!

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】方便外出攜帶!可殺滅新冠病毒!↓

↓ AQUA PRO+TECH 全效防疫消毒滅菌噴霧輕便裝!↓

 ↓ AQUA PRO+TECH 全效防疫消毒滅菌噴霧輕便裝!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章