台灣康是美X迪士尼「雙萌熊組合」 小熊維尼X勞蘇 14件超萌家品

2022.11.07

台灣連鎖藥妝店「康是美」聯乘迪士尼推出令人尖叫嘅組合商品,講緊係小熊維尼同勞蘇兩隻熊啤啤嘅組合啊!今次「雙萌熊抱尼」嘅主題活動中,推出咗14款以佢哋兩個做設計嘅家品,超療癒啊!主題商品分三波發售。只要喺台灣康是美消費滿NT$388就可以加購,用最抵價帶晒佢地返屋企,即刻睇下今次嘅產品啦~

「熊軟Q坐墊」小熊維尼系列、勞蘇系列 加購價:NT$299 (小熊維尼限量數:2,500、勞蘇限量數:1,500)
圓轆轆、脹卜卜嘅咕𠱸可以當背墊、抱枕及坐墊。咕𠱸邊特別加上鈕扣設計,等兩個咕𠱸可以疊起,咁就多個用法喇!

 

「有我陪尼桌」小熊維尼系列、勞蘇系列 加購價:NT$549 (小熊維尼限量數:1,500、勞蘇限量數:1,500)
無論戶外定室內居家用都用到。懶人枱嘅設計可以輕鬆折疊打開,收藏都好慳位。勞蘇同小熊維尼兩張枱上有大大個頭嘜,仲可以組合一齊令枱嘅長度瞬間變長,咁就更實用喇!

 

「熊貼心收納盒」勞蘇系列 加購價:NT$349 (勞蘇限量數:1,000)
木材製嘅勞蘇三格小抽屜超有質感啊!抽屜正面就係勞蘇嘅得意表情,背面三格抽屜全部唔同圖案,好有心思。呢個絕對係收納嘅好伙伴,必買!

 

「有尼真舒毯」小熊維尼系列 加購價:NT$699(小熊維尼限量數:4,000)
第二波嘅活動喺2022年11月18日先開始~ 呢個大尺吋嘅小熊維尼好得我心。攤開時真係一大隻小熊維尼咁,蓋上身仲非常保暖,鈕扣設計仲可以披喺肩上,冬天一定要有佢!

 

「熊古錐收納包」 加購價:NT$199 (勞蘇限量數:1,000)
以勞蘇造型嘅收納袋,燈芯絨材質製喺冬天使用非常適合。除咗可以手提,仲配備斜孭帶,幫你添加可愛感話咁易啦~

 

「有尼真好自動傘」小熊維尼系列 加購價:NT$399(小熊維尼限量數:3,500)
黃色嘅自動遮非常搶眼!內有黑膠塗層,具防曬及擋雨嘅功用。100cm長嘅傘面,足夠兩個人撐添啊!

 

「熊抱尼收納5件組」小熊維尼+勞蘇系列 加購價:NT$399(各限量數:4,000)
收納袋5件裝有齊大、中、細衣物袋,束口袋及鞋袋。去旅行就可以帶晒佢哋一齊,執行李時收納就易好多喇~

 

「陪尼旅行20吋行李箱」小熊維尼系列 加購價:NT$1,699(各限量數:4,000)
而第三波嘅活動就喺2022年12月2日開始。去得旅行就要入手行李箱喇!小熊維尼嘅行李箱好多色彩,好有童真嘅感覺。內裏空間深大,加上小熊維尼嘅內襯,實用又有睇頭。行李箱用咗海關密碼鎖,安全性十足,可以放心帶佢出國!

 

「熊美味分隔便當盒」勞蘇系列 加購價:NT$299 (各限量數:3,000)
食物盒有三格分類,帶飯超方便。飯盒可以放入焗爐、微波爐等,具備防燙把手,翻熱完都唔怕灼傷手。

 

「溫暖尼電磁爐」小熊維尼系列 加購價:NT$1,699 (各限量數:1,500)
鍾意下廚嘅小編望到心心眼啊!電磁爐上印有小熊維尼嘅樣,搞到我唔捨得用。屋企買返個座鎮,冬天拎出嚟打邊爐都實用得上啊!

 

【INFO】
「雙萌熊抱尼」
地點:台灣康是美門市及eShop網店
活動日期:2022年11月4日起

text/Serena
相片來源:cosmed@official

============

同場加映:

【蝸居睇樓團】650呎長沙灣新樓大玩莫蘭迪色!點揀襟用儲物櫃面料?

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】西班牙Valor無添加糖85%黑朱古力!↓

↓ Bean to Bar生產 / 不含麩質!準時入App換領! ↓

 ↓ Bean to Bar生產 / 不含麩質!準時入App換領! ↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章