準新人疑「慳錢結婚」急Call的士當花車?提出3個要求嚇怕司機 網民嘲:「窮到咁凄涼」

2022.11.04

結婚為人生大事之一,相信各位準新人都會落力籌備婚禮,希望留下美好回憶!不過日前就有一對準新人急call五人的士趕去結婚,更提出幾個特別要求,嚇怕一眾司機大哥!

一名的士司機昨日(3日)在facebook群組「的士司機資訊網 Taxi」分享了一個電召的士訊息截圖,內容可見有人急召的士由土瓜灣駿豪居去中環紅棉路婚姻登記處,除了要求司機在下午320分抵達住所外,更要求司機5分鐘內到達目的地、收單程隧道費、同時在中途及上車前更可能會拍照,奇怪要求引起一眾網民熱議,更有網民懷疑準新人疑為慳錢結婚而將的士當花車,揶揄如有的士司機肯接載也不簡單,表示「可能要戴埋對手套,成套西裝連埋頂帽」、「仲要結婚公仔,花球絲帶佈置的士外觀。」

電召的士訊息截圖註明︰

「紅隧 預約:今天下午3時20分 五人車,過海的士(單程隧道),急要(5分鐘內到)去結婚,中途及上車前可能會拍照。」

帖文樓主笑言「打返條煲呔先好接呀!」,而帖文一出即吸引一眾網民及的士司機熱議,當中唔少人批評這位客人結婚太寒酸,直言「窮到咁凄涼,呢個新郎哥真係可憐」、「結婚好心就問朋友幫手或者租架車啦」、「冇錢就唔好坐的士啦」、「單程隧道,急要,為咗平$10搞咁多嘢」、「真係好窮喎新郎....,只比單程隧道?!話哂都辦喜事吖.....,辦喜事就俾雙程隧道費先好意頭喎!」

據運輸署資料,市區的士使用收費隧道、收費道路或收費區有附加費,使用海底隧道(紅隧),乘客需支付司機所付的隧道費及$10回程費,而東區海底隧道及西區海底隧道回程費均為$15。在兩個情況下,乘客毋須繳付回程費,包括在過海的士站上車或最終目的地非位於海港的另一方。

來源:的士司機資訊網 Taxi 、HKET圖片庫

►同場加映:【衝出嚟玩】鰂魚涌室內忍者極限障礙場好去處!挑戰重重關卡/大玩泰山飛索+搖搖鞦韆

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】《社群》派利是!↓

↓ 立即入APP參加!↓

↓ 立即入APP參加!↓

↓【免費睇!】《香港寵物好去處2023》!↓

↓超過20個毛孩放電點/冷知識/攝影技巧等↓

↓超過20個毛孩放電點/冷知識/攝影技巧等↓

評語

相關文章