日本生活雜貨店 Salut!X姆明第三彈 超靚聖誕樹掛飾 家居裝飾小物

文: U Magazine
2022.11.10

日本生活雜貨店「Salut!」同姆明合作嘅第三彈活動登場!聖誕節就快到,當然係推出一系列姆明聖誕家品裝飾畀大家入手啦,今次喺各式各樣嘅聖誕飾品中加入姆明圖案,單單聖誕樹嘅掛飾都有超過十款選擇。擁有儀式感、鍾意布置聖誕家居嘅大家快啲睇下有咩啱買!

「迷你禮物盒」價錢:1,320日圓 含稅(約71港元)
放置擺設用嘅迷你禮物盒。禮物盒外層係深藍色嘅包裝,上面佈滿白雪及松樹,仔細睇仲會發現騎鹿中嘅姆明同阿美㖭啊!成個禮物盒以紅緞帶包裝好,再配上雕有姆明嘅木牌,真係好有節日氣氛啊!

「禮物盒」價錢:1,760日圓 含稅(約94港元)
一樣設計嘅禮物盒,只係呎吋唔同。一大一細放喺聖誕樹底,一定好好睇啫~

「布藝聖誕樹」價錢:990日圓 含稅(約53港元)
唔係個個屋企都有位放到一棵大聖誕樹,有陣買一棵細細哋嘅樹,同樣可以好有feel~呢棵布藝製嘅聖誕樹用咗同禮物盒一樣風格嘅布料,樹頂飾有一個大紅色蝴蝶結,細棵但依然十分搶眼!

「聖誕老人袋」價錢:1,980日圓 含稅(約106港元)
聖誕節想收到禮物點可以唔掛起呢個聖誕老人袋!有咗呢個咁大個嘅掛袋,放幾多禮物都無問題啦,聖誕節想收禮物嘅就快啲買返個。

「LED燈掛帶」價錢:1,650日圓 含稅(約88港元)
開Party時,呢種掛帶算係必要嘅裝飾!紅色、深藍色嘅相間配搭,帶摩登時尚感!而且係繩上同時附有中LED燈帶,十分方便!

「LED燈掛布」價錢:3,850日圓 含稅(約206港元)
個人非常鍾情於呢幅掛布,因為佢可以滿足小編嘅儀式感。就算屋企唔夠位放聖誕樹唔緊要,因為有呢塊掛布替代~掛布中間有3棵聖誕樹,同樣附有LED 燈,燈位嘅位置特意設計到變成亮燈後嘅聖誕樹咁,掛喺自己房一定好有feel啊!

 

呢啲聖誕樹吊飾好靚,仲要全部都係姆明主題㖭!不過就算屋企無位放聖誕樹,都值得入手呀!

「刺繡飾品」、「漫畫裝飾品」 價錢:550日圓/個 含稅(約29港元)
今次Salut!推出嘅聖誕樹吊飾有幾款,其中一款係以喺麻布上加上姆明角色人物嘅刺繡作設計,非常有質感;而另一款以漫畫風格呈現,估唔到聖誕樹上都可以睇到漫畫啵!

「阿金帽飾」、「姆明爸爸帽飾」價錢:660日圓/個 含稅(約35港元)
仲有兩個立體嘅吊飾,你又認唔認到呢兩頂帽係屬於邊個人物角色呢?

 

「玻璃長方形相架」價錢:1,760日圓 含稅(約94港元)、「玻璃正方形相架」價錢:990日圓 含稅(約53港元)
即使你覺得屋企唔需要太多裝飾,咁就推薦你買呢兩個相架。兩幅相架上都有姆明嘅聖誕主題插畫,買咗返去就咁擺喺櫃頂就裝飾完成,係咪好方便呢?

【INFO】
「姆明X Salut!」
購買地點:日本OPEN及PAL CLOSET發售(2022年11月21日起開始發售)
日期:2022年11月19日起開售
網址:https://www.palcloset.jp/salut/
(相片來源:cosmed@official)

============

同場加映:

【家居達人】跟家居維修義工隊上門!搶救廁所外牆滲水+更換霉爛電掣面板

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓