迪士尼樂園過山車故障 員工態度惡劣兼趕客 網民失望稱:以前都唔係咁樣嘅

文: 李紫彤
2022.11.09

香港迪士尼樂園一直竭力為賓客製造美好的幻想,但勢估唔到最近竟然發生破壞幻想的事!有網民近日於Facebook專頁發帖指早前於樂園乘搭過山車時遇上故障,工作人員不但事前沒有檢查安全帶,事後更沒有妥善處理兼態度惡劣,令該位網民相當失望!

早前,有位網民於Facebook專頁「我真係好鍾意迪士尼資訊分享群」發帖指她於萬聖節在迪士尼遊玩時,遇到一件不太愉快的事。樓主指她當日準備去玩Space Mountain過山車,登上過山車前就已經不斷遭到工作人員的催趕,她又指出工作人員事先並沒有檢查過安全帶,令人感覺不專業。

不但如此,令人感到驚嚇的是過山車居然出現故障,雖然她的安全並沒受到威脅,但卻認為工作人員沒有妥善處理事件,她指出處理過山車故障事件與催趕她的為同一位工作人員。根據迪士尼的普遍做法,如遊樂設施中途出現故障,賓客是會獲得一張由員工派發的「Fast pass」(即可優先遊玩其他設施的快速通行證)作為補償,但樓主指當她開口詢問該位工作人員時,她第一句便叫樓主自己買,更指遊樂設施玩到一半故障才會獲有fast pass,於是樓主便無奈指「大佬你個嘢壞咗,我仲要上網買fast pass?」,加上工作人員態度惡劣,不斷想趕樓主離開,令她不禁慨嘆「邊個都唔想啲機動設施壞,我都係好聲好氣問佢一陣間會唔會有得返嚟玩姐」。

帖文一出,不少網民紛紛回應指現在的迪士尼員工與以前的不同,現在有很多員工都沒有禮貌,甚至有不少網民撐樓主更質疑迪士尼遊樂設施的安全性,指「其實佢只需要話無得派,不用補一句叫人上網買,未check 安全帶,大家要勇敢說出來,嚴重過失」、「冇fastpass事小,唔check安全帶係事大,如果有咩意外fing(揈)左(咗)個人出去咁就一世了」。網民又指樓主這樣的情況其實是可以打電話或發電郵向迪士尼反映,覺得進園遊玩是為開心,而不是受氣!但也有網民為迪士尼平反指其實園內也有不少有禮貌的員工,指「大部分都好有禮貌 但個別態度真係好差嘅都見過」、「以前真係好好禮貌,而家爭好遠」。

 

/資料來源:FB@我真係好鍾意迪士尼資訊分享群、香港迪士尼官方網站、Unsplash

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓