網民求救:鄰居晚晚唱幾個鐘頭K 連阿媽都想買機唱埋一份!可以點做?

2022.11.12

好多人都體驗過鄰居嘅噪音問題,除咗最常見嘅裝修噪音,如果你有個好喜歡喺屋企唱K嘅鄰居,都真係好頭痕!有網民喺香港討論區出帖求救,話鄰居晚晚唱幾個鐘頭K,儼如開個人演唱會一樣!但更大鑊嘅後續,係樓主嘅阿媽聽到心郁郁,都想買返一套卡啦OK機同鄰居battle!畀你遇着呢個情況,可以點解決呢?

樓主話自從某日見到鄰居屋企門口放個集運袋,有個勁大盒類似partyroom用嘅唱K機後,翌日返到屋企,已經聽到鄰居「開演唱會」:「佢已經唱足一個禮拜,由初初每日唱一個鐘,變到而家每日7點準時開波,唱到10點半先肯收咪」。不過更令樓主意外嘅係,阿媽竟然聽到心郁郁,都想唱埋一份!「最慘唔係佢每日唱歌,而係佢搞到我阿媽都話想買呢部嘢返嚟唱要同隔籬battle!好想問鄰居可唔可以借我阿媽玩吓就算,再唔係買多枝咪每晚過去同佢一齊唱得唔得!最衰都係我鄰居,做咩買呢啲嘢返嚟呀!」

樓主話鄰居晚晚唱K約3至4小時,儼如開個人演唱會一樣,更搞到阿媽心思思,都想買套卡啦OK裝置返屋企唱K。

不如同阿媽一齊過去唱,打好鄰里關係!
雖然樓主好似好愁,但網民都安慰樓主,其實鄰居已經算好識做:「你鄰居己經算好好!十點半收咪,以前我同層有個唱到夜晚成點鐘都重係度唱,佢樓下上嚟拍佢度門,佢哋重死撐自已冇錯!」、「唱到10點半算好好,起碼都知道夜已深,係時候靜啦!」,樓主無奈回應:「雖然佢較細聲咗,但係我間房仲好清晰聽到佢唱咩歌,有時仲可以玩估歌仔!」。對於樓主阿媽都想唱埋一份,網民都覺不如乘機搞好鄰里關係一齊Jam歌:「你可以同你阿媽一齊過去唱打好鄰里關係」、「獨樂樂,與人樂樂,孰樂?一場鄰居,叫你啊媽同佢合唱嘛!」

好多網民都話其實樓主鄰居唱到約10:30pm就收咪,已經係好識做,更有人話試過有鄰居唱到半夜,搞到樓下住戶前往拍門制止。

網民話樓主不妨同阿媽過去同鄰居一齊唱K,乘機促進鄰里關係。

text/Joyce
photo/HKET圖片庫


============

同場加映:

【家居達人】跟家居維修義工隊上門!搶救廁所外牆滲水+更換霉爛電掣面板

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】西班牙Valor無添加糖85%黑朱古力!↓

↓ Bean to Bar生產 / 不含麩質!準時入App換領! ↓

 ↓ Bean to Bar生產 / 不含麩質!準時入App換領! ↓

↓【U Jetso】便利妥®「噴鼻妥」!↓

↓ 立即入App睇換領詳情 ↓

↓ 立即入App睇換領詳情 ↓

評語

相關文章