好多香港人都希望透過居屋上車，而於今年6月攪珠嘅「居屋2022」，房委會剛公布價單，並將於11月15日揀樓。當中被譽為居屋新樓王嘅北角驥華苑售價最高，尤以位於32樓嘅樓王單位，售價逾530萬，平均呎價逹11,000萬！於是有網民喺香港討論區發帖，覺得連居屋都竟然要逾一萬蚊一呎，究竟係咪合理？大家又點睇呢？
根據房委會資料，對上一個港島區嘅居屋屋苑，已經係2005年落成嘅筲箕灣東濤苑，喺2015年5月，東濤苑一個中層單位喺第二市場以648萬嘅售價，創下居屋第二市場售價新高，成為名副其實嘅「居屋王」。而根據剛公布嘅「居屋2022」樓價單，被譽為新居屋樓王嘅北角驥華苑，當中嘅32樓7 室，實用面積457呎，售價為530.95萬，平均呎價達11,618港元呀！於是有網民喺香港討論區發帖，慨歎居屋嘅樓價都居然咁高：「資助房屋都一萬蚊尺，仲話5折，淡淡係咪想5千蚊尺，真係要交多廿年租！先至夢醒」。
一直以來港島區因較少居屋，地理位置好，故售價較高，其中以筲箕灣東濤苑為居屋王，曾在第二市場以648萬嘅售價，創下記錄。
居屋2022入面嘅北角驥華苑，當中嘅32樓7室，售價為530.95萬，平均呎價達11,618港元呀！
新居屋王驥華苑 交通方便高層有海景
有網民認為「物有所值」：「北角喎！」、「有海景 ，抵買！」、「新私樓冇一萬蚊呎咁平喎」、「居屋其實好野（嘢），細心睇有梗廚有明廁，真係好過好多新私樓」，事實上呢個單位，位於電照街同馬寶道交界，為單棟式大廈，樓高31層，將會提供248個單位，呢個單位對面，就係座擁海景嘅豪宅海璇，現時嘅呎價，大約都要$45,000或以上﹗而海璇樓高最高為18樓，換言之，如果能抽到驥華苑較高樓層，有機會望到維港海景！
驥華苑對面嘅海景豪宅海璇，最高只有18樓，換言之，如果能抽到驥華苑較高樓層，有機會望到維港海景！
講到交通，徒步5分鐘內，就可到達北角港鐵站及北角碼頭，英皇道就有電車同大量巴士站，可謂全港四通八達。而附近嘅北角匯、健威坊及港運城商場，有大量食肆及超市選擇，行遠少少仲有渣華道市政大廈，日常起居相當方便。北角碼頭旁邊仲有北角海濱公園連狗公園，咁嘅配套，點會唔係「居屋王」？﹗不過亦有網民覺得唔值：「真係好貴」、「居屋1萬1呎，真係搵笨」、「好多人都埋怨，咁嘅環境冇減價，政府知道唔減得，一減即係承認樓市差，就跌到PK」，「冇人買自然減」、「看看今期銷情再講吧！」
驥華苑徒步約5分鐘就到北角港鐵站，交通方便。
不過亦有網民認同樓主，居屋都要一萬一千蚊一呎，覺得唔值。
text/Joyce
photo/HKET圖片庫
============
同場加映：
【蝸居睇樓團】大角咀粉紅日系新婚愛巢 房中房和紙趟門夠慳位、中島開放式廚房
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
