《903 AllStar 籃球賽》相隔多年昨晚（11日）終於在亞博展開，九零三人隊與歌星勇士隊兩隊強勁陣容在球場上激戰一番，期間亦大玩遊戲、演唱籃球賽主題曲《Ball! My Name》，現場氣氛十分高漲！即刻重溫昨晚《903籃球賽》每個焦點啦！
模擬開球禮由Do姐負責主持，一開波Do姐就趁機向姜濤「表白」，直接將籃球交給他，笑言：「乜唔係將個波俾自己鍾意嗰個人咩？」，引起全場大笑。
點擊圖片放大
首輪回合陣容非常鼎盛，九零三人隊派出隊長森美、毫子、阮子健、金、梁子迎戰歌星勇士隊的193@ERROR、Tim@Dear Jane、姜濤、Ian陳卓賢及馮允謙，最後九零三人以15分領先歌星勇士隊的13分。結束後兩隊大玩射球遊戲《三秒球王》，Do姐更即興邀請導演、ERROR、 姜濤及Edan一齊射籃，阿Dee及肥仔更化身人形轎車將Do姐托起，場面認真又搞笑！
第二回合為「全女班」陣容，一眾903 DJ出場表演九零三人籃球賽主題曲《Ball! My Name》，炒熱現場氣氛。半場休息期間為麥當勞青年隊對戰All Star聯隊的《3 on 3表演賽》，姜濤率先上籃先得到2分，更成功博得犯規「And-1」，獲得全場歡呼聲！
在壓軸遊戲「關關難過關關過，球球難射球球入」期間，小儀一度抱着對手Edan， 企圖唔比對方接波！
點擊圖片放大
在第三節結束前，Ian陳卓賢壓哨讀秒射入3分， 為歌星勇士隊追近分差。歌星勇士隊最終以51：50 擊敗九零三人隊， 成功奪得全場總冠軍。 姜濤更奪得歌星勇士隊的MVP獎項， 而方力申則成為九零三人隊的MVP。
圖及來源：大會提供
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
