新界東、西地區大比拼 烏溪沙定係深井比較好住?

2022.11.18

網民討論比較香港邊一個地方好住啲係經常會有嘅事,而今次網民要比較嘅地區係烏溪沙以及深井!最近有網民喺連登討論區上發文,問烏溪沙同深井呢兩個位於一東一西嘅新界地方究竟邊一個會好住啲,就引起一眾網民熱烈討論,紛紛將烏溪沙同深井各方面嘅優劣比較起來!

烏溪沙有鐵路完勝?樓下配套齊全?

樓主就問到從烏溪沙以及深井各自嘅配套、交通、環境作比較下,兩者之中到底邊一個係比較好住?有網民就認為烏溪沙比較好住,原因係烏溪沙鄰近港鐵站:「烏溪沙有鐵完勝」、「交通烏(溪沙)贏,原因:有鐵,有鐵同無鐵差好遠,鐵係連接所有地區,同埋你朋友黎(嚟)你到(度)都方便好多」、「冇車就真係烏溪沙好好多,總站一定上到鐵,係慢少少,但有位坐」,亦有網民認為烏溪沙有齊全嘅配套:「配套烏(溪沙)贏,樓下有基本配套,食肆、超市、街市、基本野(嘢)齊,打風落雨唔洗(使)煩,主要分別係要塔(搭)車同唔洗(使)搭車分別」,而有網民就認為烏溪沙嘅新樓一定比起深井嘅樓靚:「烏(溪沙)新樓點都靚好多」

 

有網民認為烏溪沙有鐵路因而交通方面更勝一籌,而且鄰近更有齊食肆、超市、街市等完善的生活配套。

 

就算有鐵路都唔方便?屯馬線通車令班次減少?

不過對於不少網民指烏溪沙擁鐵路嘅優勢,有網民就指其實烏溪沙就算有鐵路可乘搭,但其實出市區都需花費唔少時間:「烏溪沙有鐵路,但要搭好耐先至去返市區」、「烏溪沙有鐵又點,出市區仲慢過深井」、「性價比,深井完勝,鳥溪沙有鐵都唔見得出市區會快好多」,而有網民就指其中一項原因可能係因為港鐵屯馬線通車:「未有屯馬線之前烏溪沙有地鐵係Ok,但x街通咗車之後,疏x到x街,繁忙時間都5分鐘一班,平時就9分鐘一班,非繁(忙)成12分鐘一班,衰x過搭巴士」,另亦有網民指烏溪沙冇嘢好食:「深井起碼有啖好食,烏溪沙屎都無得你食」

 

亦有網民認為烏溪沙雖然有鐵路可直達,但外出時亦需花費許多時間。

 

深井出市區快過烏溪沙?冇鐵路令環境更好?

有網民就認為深井雖然並無鐵路接駁,但交通卻更勝烏溪沙:「港島返工深井出去一定好過烏溪沙」、「深井去中上環快過烏溪沙過去添(㖭)」、「但老老實實深井交通都唔係真係好差,952唔塞起上嚟25分鐘左右到上環,52x又直達九龍中心」,而有網民更認為深井因冇鐵路以及公屋居屋令鄰近環境更寧靜:「深井冇公屋居屋已經吊打左(咗)烏溪沙啦」、「住得深井就係冇鐵路,唔想周圍咁多人,要個靜少少嘅豪宅區,望下海,班友連單車徑都唔想要,唔想咁多人黎(嚟)」,亦有網民指深井與烏溪沙亦同樣擁有海景,而且樓價更平:「深井無敵大海景加跑步單車一流,仲要平點輸」

 

有網民認為深井的交通比起烏溪沙更便利,去市區以及中、上環等地會更快,而且無鐵路亦令區內環境更為寧靜。

 

揸車好啱住深井?揸車方便車位又平?

亦有網民指深井對住有揸車嘅人十分適合,非常方便於駕駛:「如果揸車個人揀深井」、「住深井仲諗乜交通,樓價平左(咗)拎黎(嚟)買車好過,揸車10分鐘荃灣,20分鐘旺角,30分鐘過海,冇鐵好處係冇乜外區人靜靜地又對住個海,點解下下都要揀咁方便要同人逼」,有網民更指出深井嘅樓價比烏溪沙便宜,預算多了可以作買車用:「個腦仲係諗緊日日要點樣趕頭趕命逼鐵就咪學人住深井啦,住得個(嗰)頭都係買埋車嫁(㗎)啦,風水又好、又海景、樓價又平,平返黎(嚟)個價其實夠你買部好車」,更有網民指深井嘅車位非常便宜:「深井有車完勝,車位又平,人地車位要比(畀)4000果(嗰)陣,深井仲係2000,夠你供多部車」

 

有網民認為深井非常適合駕駛人士居住,交通便利之餘,車位亦較便宜。

 

車位有好多人爭?去荃灣其實好塞車?

不過亦有網民指深井嘅車位難求之餘,當過節時揸車亦較麻煩:「點解呢到d(啲)人話揸車要住深井,住緊深井,租車位難到x街,得碧提有多d(啲)車位租,但全部3000up,仲要唔係咁易租到(因為個個揸車)」、「打風大時大節放工,深井完敗,揸車都塞到pk」,更有網民指出深井去鄰近嘅荃灣並唔係想像中咁方便:「點解你地會覺得深井去荃灣方便?係,上屯公(意指屯門公路)直落荃灣可能10-15分鐘就到,但一落荃灣橋,就要塞沙咀道大河道楊屋道,一係塞德士古道,星期六日google map全個荃灣都係深紅色,我揸車想搵個停車場都難搵,全部排隊」

 

亦有網民認為住深井揸車並沒有非常方便,去荃灣會經常遇上塞車的情況,而且因深井居民較多人揸車的原故,導致難以租用到車位。

 

text/Jonathan

photo/HKET圖片庫

============

同場加映:

【家居達人】選購風扇燈6大貼士樓底幾高先裝到?邊款最涼最光?

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】《社群》派利是!↓

↓ 立即入APP參加!↓

↓ 立即入APP參加!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章