報讀Playgroup可以「贏在起跑線」？ 網民熱議：年幼子女參加學前遊戲小組係咪必需？

由父母帶子女玩更好？上「N班」更重要？

樓主表示自己老婆認為每個星期畀自己年幼嘅女去參加Playgroup係一件必需嘅事，但當經打聽後就發覺呢個想法大多出自於女性身上，而男士們則多數反對但卻只好屈服，所以就問到有冇男士覺得讓年幼子女參加playgroup其實係必需。有網民就認為參加Playgroup其實冇用，只係畀嬰幼兒作玩樂用：「坊間好多playgroup都x流流，玩下(吓)又一堂」、「2歲樓下的小朋友都係自己玩，根本playgroup同係(喺)屋企玩一樣」、「去樓下公園玩咪又係差唔多」，而有網民就認為父母親自帶自己年幼嘅子女去玩會更好：「其實真係無x用，自己帶佢去玩好過啦」、「講真，自己帶小朋友周圍玩，接觸唔同野(嘢)，多啲比(畀)佢係(喺)父母身邊，對佢早期發育仲好，社交能力(到)幼稚園再開始發展都唔遲啦」、「係囉，輪流去朋友屋企，大家啲小朋友聚吓玩吓咪OK，啲playgroup真係教到啲乜嘢咩」

亦有網民認為比起參加Playgroup，讓子女入讀俗稱為「N班」嘅學前預備班更為重要：「我係女，無帶過小朋友去playground(playgroup)，讀N班已經足夠」、「其實2歲後先真正慢慢develop同齡既(嘅)社交，所以我反而讚成返pn學下(吓)聽指令同社交，playgroup有點早」、「同意，讀N班同冇讀N班都幾大分別，反而有冇返過playgroup 都係bb，冇太大分別」，不過有網民就認為Playgroup以及「N班」兩者都只係呃錢嘅活動：「Playgroup，n班都係呃錢野(嘢)，全部都係弱智野(嘢)黎(嚟)，以前既(嘅)人咩都無，唔通唔識講野(嘢)，唔識去廁所，全部弱智咩？幾x多天才都係天生天養」

有網民認為讓年幼子女參加Playgroup對子女並無太大幫助，由父母親自與子女玩樂為更好的做法。

亦有網民認為讓子女參加學前預備班更為重要，子女在該階段才會開始發展接受指令以及社交。

有助社交、學習相處？疫情期間更為重要？

有網民就認為讓子女參加Playgroup可令到他們開心之餘，更有助子女嘅社交，習慣與他人相處：「間唔中上幾堂，都有啲用，俾啲自己仔女適應下(吓)，點同其他小朋友相處」、「Playgroup根本就對小朋友冇壓力，番(返)去又玩得開心，對陌生小朋友又冇咁驚，習慣同同齡小朋友一齊相處」、「一開始覺得冇x用，都係玩玩具，返左(咗)3、4堂後，個仔變左(咗)唔怕陌生人，多野(嘢)講左(咗)，上堂之前成條毒x咁」、「你有冇見過冇上playgroup同有上既(嘅)分別，有上嗰d(啲)兩歲a-z識哂，冇上好多社交都差d(啲)，又唔可以同(阿)爸阿媽簡單分開下(吓)都唔得」，有網民更認為疫情下更應讓子女參加Playgroup：「其實幾有用，疫情寶寶好缺乏同年齡BB互動，又少大型聚會，社交溝通真係明顯爭一截，加(上)而家d(啲)人又少大家庭，獨子獨女好易仲大鑊」、「疫情前唔係必需，疫情後覺得有佢重要性，Playgroup未必for equip小朋友起跑快啲，而係單純畀小朋友玩多啲群體活動，學識同其他同輩相處學習點樣觀察人哋情緒，呢幾年戴住口罩好多小朋友都出現認知障礙/社交禮儀上跟唔到」

有網民認為參加playgroup可使年幼子女有更好社交技巧，習慣與不同人相處，而疫情期間缺少聚會，更應讓子女參與不同的群體活動。

可減輕在職父母負擔？可讓父母專心事業？

亦有網民認為父母會因工作關係而缺乏與子女玩樂嘅時間，Playgroup就正正可以幫到手：「如果父母返晒工，得個b自己同工人onXX喺屋企hea，playgroup就有用，好多野(嘢)其實要教，例如唔好搶人野(嘢)etc」、「搞個幼稚園同N班出黎(嚟)，係因為現代社會分工化，好多都係雙職家庭，放佢哋喺幼稚園等婦女都可以轉(專)心事業」、「如果冇時間但你有錢，外判出去上playgroup都唔係壞事」、「自己無時間陪女周圍玩見識就比(畀)少少錢人啦」，不過有網民就認為呢種心態其實係父母想推卸陪伴子女嘅責任：「野(嘢)都未識講，上黎(嚟)有咩意義，呢個係啲父母唔想花時間陪自己小朋友，先至想將個責任外判而創造出來嘅嘢姐(啫)」

有網民認為Playgroup可提供玩樂及教導嬰幼兒，能幫助缺少時間的父母照顧年幼子女。

會影響升學？要讀好嘅幼稚園就要參加？

而有網民就認為年幼嘅子女有冇參加過Playgroup會影響到將來報讀幼稚園：「係上名幼playgroup加分用，你想佢之後都讀名校，咁算必需」、「Playgroup唔係必需，但你唔去就會蝕底好多，想入d(啲)好d(啲)既(嘅)幼稚園基本上都要去上」、「其實係冇x用，但連呢d(啲)都冇唔洗(使)諗名牌幼稚園」，更有網民認為會影響到子女以後嘅升學路途：「上playground(playgroup)係為左(咗)上好嘅N班，上好嘅N班係為左(咗)上好嘅小學，繼而中學、大學」。而有網民就表示小朋友至出生開始就要不斷同人比較，有否參加Playgroup亦是其中一種比較：「軍備競賽黎(嚟)，無得唔返架(㗎)喇」、「由出世揀邊間醫院開始，你小朋友既(嘅)CV已經開始填緊，開始同其他人比較緊」、「其實生得小朋友就好自然會墮入依個比較，自己/自己小朋友唔做就好似差梗啲野(嘢)」

有網民認為讓子女參加Playgroup有助以後入讀優良的幼稚園，甚至名牌中學及大學。

text/Jonathan

photo/HKET圖片庫

============

同場加映：

【蝸居睇樓團】100萬做船主！2,000呎打卡靚船屋 三層5房2廁 啡色ｘ菱格豪華復古風