唔少人都喜歡住村屋，貪遠離鬧市，空氣清新啲，間隔實用啲，租又好似平啲啲，但大部分搵村屋嘅人，都集中搵西貢、元朗、大埔甚至坪洲呢啲離島區，但青衣嘅村屋質素，算係比較少人討論……有搵緊村屋租嘅網民喺連登討論區發帖，問網民青衣嘅村屋究竟好唔好？如果連車位月租一萬蚊，諗唔諗得過？大家有乜嘢意見呢？
雖然有網民覺得青衣「孤島黎架（嚟㗎）喎！」，但似乎大部分網民都覺得值得考慮：「Ok la，住冇乜問題，呢個價連車位抵，青衣私樓/領展車場成四千蚊」、「都okay la， 青/翠怡細單位都12k左右，如果負擔到直x700呎，住大d舒服好多」、「幾大？同埋新唔新？如果呢個價我覺得OK」、「有車位正wor，青衣村屋好似供應唔多？」、「大王下村就OK」。
通常租村屋，熱門地區都係西貢或者新界北區，所以一提起青衣村屋，就有網民話：「孤島嚟㗎喎！」
有網民話青衣私人屋苑嘅細單位月租都要約12K，如果一萬蚊月租可以住大啲，相當值得考慮。
網民聽到一萬蚊月租連車位，都覺得好正。
不過亦有網民認為地理位置好重要：「青衣邊（度）？近南同近北差好遠」，網民見到呢個價錢，反問樓主：「咁平？ 係咪一開二350呎嗰d？」，樓主話「yes」，網民就回應：「一開二唔算特別平，有冇話邊條村？ 青衣村對面定涌美，我覺得揸車青衣好住，40分鐘內去到香港九成地方，不過我朋友住大王下，聽講都多小偷自己小心」。
網民覺得住青衣如果自駕，約40分鐘可以去到香港九成地方，都算相當方便。
但有網民就話有朋友住大王下村，聽講多小偷，提醒樓主小心治安問題。
text/Joyce
photo/HKET圖片庫
============
同場加映：
【蝸居睇樓團】灣仔650呎雙房單位變身屋中屋 打卡圓拱窗台
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
