二手平台買家3大藉口搲著數 講價變迫人蝕讓？網民批：乞衣！疑收貨低買高賣？
近年二手買賣平台興起，不少人會到平台放售自己不再需要的物品，反之，有人希望以平價購入商品以節省開支，不過，由於不同人在交易時有不同考量，所以交易時出現磨擦在所難免。最近，就有一名網民在討論區發文指，二手交易平台上有不少人離譜地講價，形容其為大種乞衣。
最近，一名網民在連登討論區發布了一篇以「點解carousell咁多大眾乞衣」為名的主題，內文貼出一張對話圖：有賣家放售一款嬰兒車開價HK$3,080，而一名買家直接殺價至不足該價三分一的HK$800，又指自己是來自低收入家庭，希望買給新生嬰兒用。主題一出引發不少人討論，有人覺得：「佢當左樓主係社工」、「一開口就要賣家減價一半以上嘅乞兒，真係同佢講多句都嘥氣，直接封鎖佢啦」、「博十個有一個平比佢都賺到笑」；亦有人不信買家的供詞：「佢地做緊生意，9成低買高放」、「反而好多買家都係商家，專做低買高賣」、「角色設定，你賣其他野可能又有其他設定俾你」、「呢啲九成係搵笨X，低收高賣」。
更引來網民分享朋友類似經歷：「事源於佢賣notebook，又係收到訊息自稱係家庭主婦，老公受傷開唔到工，阿仔剛升上中學，做功課要用電腦，屋企有財政問題，問可唔可以平d（好似一開口要減四成），朋友因為係單親家庭長大，阿媽捱大個女果隻，就同情心上腦，半買半送咁，連原本唔係賣部printer都送埋俾佢。出到黎交收當日，居然係個擔住支煙男人，揸架貨van黎到，一落車，冇講野，就咁於褲袋拎出原先講好價錢交俾朋友，好快咁打開後車門，將d野放晒上車，bye bye都冇句就走，最大可疑就係佢望到貨van上好多舊電器，例如電視、雪櫃之類，對方似係收買佬多過屋企自用，至醒覺中招，我地成班朋友都恥笑佢被人捉住同情心搵笨……」
主題也引來更多人貼出其他在二手交易平台的經驗，不少買家會報稱自己身份是學生或長者講價或直接提及自己低收入，希望賣家有同情心；有些則從商品出發，講價時提出衛生問題、使用期限等；亦有些完全不留原因、無視賣家，直接出新價，如HK$2200變成HK$500、HK$6800變HK$800等。
來源：連登討論區
圖源：TVB劇集截圖
►同場加映：【衝出嚟玩】南丫島全新北角碼頭11月啟用！超靚海岸北角咀郊遊路線/彩虹風車橋/全程30分鐘
港生活人氣本地熱話
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
