TVB台慶劇《法證先鋒5》最新劇情圍繞「十八層地獄殺人案」作為主線，蔡潔作為最後一個受害者，被兇手關楚耀以「磔刑地獄」手法予以殺害，雙手被綁住兼被活體解剖，演出相當破格。蔡潔對此就親自解話，該場口雖看似是全裸演出，但其實全部借位拍攝，靠遠處的藥水和置物架遮住！
劇情講到「十八層地獄殺人案」的兇手董應偉（關楚耀飾）與卜大山（易智遠飾）先後以殘忍的「冰山地獄」、「血池地獄」及「火山地獄」作為殺人手法。蔡潔調查期間遭兇手綁架並遭施予「孽鏡地獄」酷刑，獲救後再遭迷暈，險被「磔刑地獄」凌遲處死，最後蔡潔以奇招鬆脫手銬，並用解剖刀捅死關楚耀。由於劇情緊湊有張力，加上畫面構圖有心思，不少網民都對相關單元大派正評。
對於拍攝兩場綁架戲，蔡潔坦言十分難忘，尤其是解剖室場口。蔡潔指該場口雖看似是全裸演出，但其實全部借位拍攝！她續指最難忘是拍攝時是大冬天：「拍嗰度係劇集主景之一，喺嗰度我拍咗好多解剖屍體嘅場口，咁啱就喺最凍嗰幾日要拍晒佢。喺嗰度我有大量喊戲，嗰段日子好似入咗個時間房間咁，不斷解剖同不斷喊。」
►同場加映：【今期Chill抵】韓國炸雞店Puradak Chicken登陸將軍澳！大胃王挑戰贏$500現金券/身分證優惠送小食
蔡潔又大讚扮演屍體的演員很專業：「因為佢哋唔能夠著衫，仲要瞓上張鋼板床，就算現場有暖風機暖住，依然都係超凍。我好記得有幾位演員係要濕晒咁瞓上去，佢哋一Cut機係凍到係咁震，但一話Roll機真係可以完全唔郁，我好佩服佢哋，好敬業。」
蔡潔又謂當自己瞓上鋼板床一刻，除了心想「你都有今日喇」外，亦大嘆場口難度高：「因為我雙手都畀人綁住、個口又封住咗，我作為一個活生生嘅人係咁畀人𠝹，要靠對眼同僅有嘅肢體語言去演繹好痛、好想大叫但叫唔到、同埋好驚嘅狀態。嗰場戲拍咗成日，我就喊咗成日，拍完對眼腫晒。」
至於另一場被綁戲，蔡潔則大讚道具製作用心：「我喺現場都覺得布置得好靚，拍出嚟好有美感。因為啲鏡有弧度，我自己瞓喺度睇自己時，我喺唔同嘅鏡入面見到我個人係好扭曲，變相呢種影象好脗合到個罪犯嘅心理同埋嗰種壓抑感，所以個Setting係好精彩。」
談到一晚被綁兩次，而且著得少布，蔡潔笑指最大難度竟是保持靚樣，她笑謂：「瞓喺度拍戲最大挑戰係好難拍得靚，我覺得自己個頭向上好醜樣，所以全程都要留意住點樣瞓得可以靚少少。」
圖及來源：TVB、劇集截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
