大埔豪宅「租上租」$3800分租工人房!劏房價買高級享受仲識到有錢人?網民批高級劏房

文: 梁穎心
2022.12.07

月租$3800都可以住豪宅?近日有人在社交平台發文招租,指大埔天鑽一個4房3廁單位招室友合租,當中工人房連獨立廁所月租$3800,而$5800的客房就需要共用廁所。合租室友一樣可以使用會所,歎桑拿、玩保齡球、健身等。有網民笑指這是「高級劏房」,嘲諷「扮上等人」,亦有人質疑租客為識有錢人。

日前有網民在Facebook群組「自己物業自己放,租買免佣」發文招合租室友,位於大埔天鑽一個4房3廁單位,當中的客房和工人租招租。客房月租$5800,但要2人共用1個廁所;工人房月租$3800有獨立廁所。租客可使用會所設施,包括健身室、室內恆溫泳池、戶外池、K房、桑拿房、保齡球場。天鑽交通交便,往返大埔墟火車站有穿梭巴士,車程5分鐘。

單位的廚房浴室電器齊全,有洗衣乾衣2合1既洗衣機、微波爐、焗爐、客廳有飯枱、沙發、及電視。樓主指現時室友是1男(套房)1女1狗(客房),客房租客會與女租客及寵物犬共用廁所,希望新室友喜歡小動物、友善易相處、脾氣好、家務商量分工。另外,水電煤網按單平分,租約到2023年8月31日,2押1上。即時起租者可議。

帖文隨即引來網民熱議,有人質疑「租上租」犯法,不過樓主指業主在傾租約時已知會分租。樓主認為,他們已買好家具,新租客「用一個劏房價錢享受一個舒適環境,其實我唔明有咩問題」。有網民認為「講真3800 工人房抵玩」、「幾千蚊 打下卡 充下大頭鬼 其實好值」、「好過住深水埗」、「良心價 講真少少想去Staycation 體驗下」。亦有人戲稱是「高級劏房」、質疑「係咪又係比人租嚟落會所識有錢人」、「即有會所用的劏房」。

來源:Facebook

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓