日前與盛勁高調赴日拍拖旅行的麥明詩，因坐經濟艙被嘲「cheap」，引來麥明詩高EQ回應自己是靠積分換機票，展示慳妹貼地的一面！其實無綫仲有唔少慳家女星，其中郭嘉文的吊帶背心重著兩年、鍾嘉欣出席活動靠客戶贊助服裝，即入內文睇睇啦！
鍾嘉欣
有睇開TVB的朋友，相信對於鍾嘉欣不會陌生，原來鍾嘉欣亦非常慳家，不單止很少購買新衣服、出席活動靠客戶贊助服裝，而且曾為了省錢留給子女，搭長途飛機回港時選擇坐經濟艙，慳到盡！
麥明詩
身為「十優港姐」麥明詩最近不單止霸氣認慳錢，靠積分換機票、坐經濟艙，原來平時她也非常愛用小眾品牌手袋、上網買賣二手衣服，難怪跟哥哥麥明山分別在2019年、2020年上車做業主。
馮盈盈（Crystal）
去年馮盈盈（Crystal）就被工作人員爆料好慳家，不單止公司道具都要帶返屋企，而且就連做完節目後仲會拎走埋鮑魚海鮮贊助品，私底下真係非常慳家！
陳凱琳（Grace）
出名吸金力強的陳凱琳（Grace），自從兩名兒子出世後，一直努力做好母親的角色，而且仲變到非常慳家，即使食完下午茶都會選擇搭港鐵返屋企。
郭嘉文（Karman）
15年港姐季軍、曾與跟李澤楷相戀多年的郭嘉文（Karman），原來私底下非常貼地又慳家，近年更有眼利網民發現Karman身上的吊帶背心重著兩年，年前慶祝生日時已經著過，絕對是名副其實的慳妹。
糖妹
提起娛樂圈最「慳妹性格」，相信一定就是糖妹（黃山怡），近年糖妹不單止花費數百萬供細佬赴英國升學，而且理財有道的她還會以港鐵代步、自備飯盒減少外出吃飯的開支，入行以來更買下多達20多份保險和年繳基金，讓自己可以每個月都儲起部份錢。
炎明熹
憑TVB歌唱節目《聲夢傳奇》廣為人知炎明熹，沒想到私下非常節儉，就連書包都會用到破損嚴重先會換，去年她曾在IG上分享了自己舊書包的照片，並寫上：「小紅的五臟六腑已破損，永遠懷念你，2021.09.18，再見。」年紀輕輕就已經知慳惜儉。
郭千瑜（Mina）
曾被TVB御用丫鬟的郭千瑜（Mina），入行多年以來一直聽從媽媽的話努力儲錢，成功靠回家吃飯、不網購、不碌卡、收入全交給媽媽，最終花了10年時間成功上車
來源：IG@chungkayanlinda、IG@louisa_mak、IG@crystalfyy、IG@ghlchan、IG@karmen_kkm、IG@kandybubu、IG@yiminghay、IG@minamina713
►同場加映：【今期Chill抵】韓國炸雞店Puradak Chicken登陸將軍澳！大胃王挑戰贏$500現金券/身分證優惠送小食
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓《社群狂歡大激賞》↓
↓送香港迪士尼樂園1日標準門票60張！↓
