天氣轉冷，不少人都喜歡吃火鍋，最近就有一位女食客到尖沙咀一間火鍋店用餐，但在員工加入麻辣油10分鐘後，鍋底突然「爆炸」，湯底四濺，天花板、座位、手袋、食客全身通通遭殃，事主面部更被燙傷，但店員到場處理時竟提出「如果選擇報警，呢餐亦要收費」，此回應成功惹怒事主及一眾網民！
日前，有位女網民發文指，12月4日時，自己到尖沙咀火鍋店黑樺牛牧場用餐，她點了台灣麻辣火山鍋，鍋底上枱後，員工於「火山洞口」加上類似酒精液體後點火，火燄消失後，再加入麻辣油。十分鐘後，在事主並沒有加入任何食物、水，亦沒有攪拌鍋底的情況下，鍋底突然「爆炸」，湯底四濺，天花板、座位、手袋、事主全身包括臉部通通遭殃，嚇得事主奮力向走廊逃離，大叫：「個鍋爆炸呀！」
事主亦拍下當日畫面，影片可見，濺出的湯底彈至天花板、餐桌及座位，事主全身亦一如她形容一般：「將我由頭到腳掩蓋」，無論是臉、衣物、波鞋，還是一旁的名牌手袋均遭殃。事後，她的眼睛及臉部開始出現刺痛感，左眼視力亦感覺模糊，到醫院檢查時，醫生診斷為面部燙傷。
「爆炸」發生後，事主叫來店長，當時解釋從未發生過此情況，致電經理後轉述：「會賠償清潔費，但如果選擇報警，呢餐亦要收費。」而事主為保障自己，最終選擇報警處理及入院觀察。店方的回應更是惹怒網民的重點，於是引來大批網民回覆：「痴線…唔報警唔出post佢都唔當你一回事。重點道歉都無，仲要收費」、「CLS，客人受傷受驚都未關心過仲話要收清潔費，個經理冇人性！佢咁講擺明係想叫你報警啦！呢單野睇到我都覺得好嬲！快啲好返」、「咁嘅態度，出事唔負責任，仲要叫受傷客人找數，會唔會係咁惡劣呀」。
亦有眼利網民留意到事主同樣遭受麻辣湯底洗禮的DIOR手袋，官網售價約2.85萬元。不少人將焦點放於賠償細節，留言：「大佬佢淨係話賠清潔費，佢知唔知你個Dior袋都已經要$20k ….重話報警要收返飯錢，邊個care果幾百蚊….」、「一定要佢賠返個手袋，套衫$，因為辣麻+化學野洗唔甩嘅，一定要賠足。」、「叫佢賠返個手袋先啦，貴過餐飯」。
餐廳事後分別出過「道歉啟事」及「聲明書」公開道歉，並承諾「會對前線同事加強培訓，提升同事應變能力及增加處理緊急事項指引，令客人可以安心用膳」，但網民毫不留情：「當下個客受傷仲同人講只賠清潔費叫人埋單，依家俾人公開件事先黎道歉，真的不要臉天下無敵」、「以『貼錢買難受』嚟講， 貴公司真心做得出色，個爐整傷客人仲夠膽兇對方要『先找數、後報警』，頒個『最叻兇客獎』俾你啲員工啦」、「整到人哋咁樣，仲好意思收錢啊，真係唔知醜！好彩冇幫襯過你哋，以後亦都唔會！」
授權：FB@Vicky Hung
►同場加映：【衝出嚟玩】海洋公園全新生態地質遊！探索港島南2大路線！出海近距離睇海蝕洞
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
