早前，HK Express突發推出了台灣各大城市單程$99優惠，甚至農曆年假期出發都有平。奈何台灣尚未完全對外開放，現時港人入境仍須「團進團出」，未能自由行。但有網民未有發覺，見優惠後即刻搶購了雙人機票，而買後才發現台灣未開關，發文大鬧「HK Express垃圾」。
同場加映：【旅人指南針】國泰全新實體店登場 買$500送3000里 多款實用精品
網民在連登討論區以「垃圾HK Express」為題發文，他指之前因為HK Express推出了$99台灣突發優惠 （更正：單程台灣$98起）即刻搶購台灣雙人機票。豈料買後才發現台灣並未容許港人自由行，機票變相無用。網民曾嘗試向航空公司要求退款，但收到回覆只能退回票價$600，不能退還稅項，共$2000多元。事後，網民覺得「等於你去外國網購但係件貨入唔到香港」，直言航空公司有機位，但他無本事飛。
其後，不少留言直指不是航空公司問題，只是網民自己衰衝動。「其實人地出個平機票都可以俾其他國籍嘅人去買，你自己買機票前都應該了解下台灣未開放俾香港人啦！」、「呢啲時期你飛邊都應該先了解當地有冇咩入境限制」、「正想咁講，人地肯退錢仲想點，自己連入境簽證都冇，學咩人買機票」、「你自己賭輸又要人退錢」、「買嗰一刻已經知未開自由行㗎啦，諗住賭佢開返賭輸左！」
資料來源：連登討論區
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
