吳若希（Jinny）將在本週日（11日），一連兩日於旺角麥花臣場館舉行首個個人演唱會《吳若希Let Her Be Jinny 演唱會2022》。最近為演唱會宣傳時，她在節目中大爆在無綫工作「做野冇錢」要倒貼，其後更表示歌手藝人工作「唔止為錢，做得開心最緊要。」入行多年的她更相當慳家，還姐兼母職賺錢養家、供弟弟讀書，即入內文睇詳情啦！
早前接受艾力的網上節目《Have a nice Date》訪問、宣傳個人演唱會時，吳若希就語出驚人指在大台工作非為錢，「全世界都知道TVB做嘢冇錢，仲要倒貼！」雖然她在前日（7日）受訪時已否認「數臭」公司：「我係講返無綫唔止為錢，做得開心最緊要。」同時她也表示，指歌手很多時候做宣傳都要靠自己化妝、整頭，所以才會有「倒貼做無綫」言論，而做藝人就不同，只要做多幾個Show就可以多勞多得。
入行多年的她，平日不單止努力工作賺錢養家，而且還非常顧家，姐兼母職供弟弟讀書。讓人沒想到原來吳若希曾經也是有錢女，不過在經歷爛賭父親破產、靠媽媽身兼幾職養家，養出了慳家性格。讀書時期的她曾為了慳飯錢、車錢，每日步行半小時回家吃飯，如果想食一餐大家樂或大快活，更要捱足一星期麵包和牛奶，出道以來更被拍到跟助手在大排檔食魚蛋粉，可以話相當慳家。
出名孝順顧家的吳若希，這幾年還為弟弟吳梓楓（Carson）供書教學，支付全部的學費和寄宿費，難怪就連Carson也表示，自己明白姐姐賺錢不易，所以絕對不會做大花筒，每月死守限用$1,500（每日平均大約$50），其後他更補充說：「以前家姐都係咁過生活，想我明白出來工作就要兼顧好多方面，家姐養我咁耐，將來賺錢我會畀3成家用，照顧佢一世。」
來源：IG@jinnyng
►同場加映：【今期Chill抵】五星級數碼港艾美酒店翻新重開主打落地玻璃無敵大海景房！270度環海景觀/米芝蓮餐廳
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
