「黑廁」同「明廁」抽氣、抽濕表現冇分別？ 網民熱議：「明廁」嘅好處究竟有冇誇大咗？

「黑廁」同「明廁」一樣乾爽？最緊要沖涼時有抽氣？
樓主表示感覺上「黑廁」比起「明廁」於抽氣以及抽濕方面冇太大嘅分別：「用黑廁完全唔覺同光(明)廁比係(喺)抽氣，抽濕有幾大分別」，所以就認為「明廁」嘅好處係被誇大。有網民就認同樓主嘅講法，認為使用「黑廁」都能同樣乾爽，最緊要係沖涼時有抽氣：「光(明)廁又住過，新樓黑廁又住過，完全零分別，好乾爽，重點係沖涼果(嗰)時有冇抽氣，有冇好既(嘅)獨立半密封企缸，另外光(明)廁根本唔可以開窗，因為人地D(啲)沖屎水會同一個窗口吹番(返)入你屋，所以我覺得2(兩)樣都冇分別，絕對係吹大」，更有網民認為酒店嘅廁所亦都係「黑廁」，並唔見得「黑廁」有咁多壞處：「其實好簡單，五星級酒店嘅廁所都係黑廁，又唔見會有咁多壞處，事實就係自己保養得好唔好」。

有網民認為廁所有沒有窗都無太大的分別，兩者都可同樣乾爽，而保持廁所乾爽的重點為沖涼時需抽氣以及設有獨立半密封的企缸。

潮濕時廁所有窗都冇用？開窗會令臭味傳入屋？
而有網民就認為當濕度高時，「明廁」其實亦無法達到良好嘅抽濕效果：「潮濕地區嘅光(明)廁，反而打開窗吸晒啲濕氣，成個地下濕哂」、「濕度高，光(明)廁開窗都係唔會乾」，更有網民指就算「明廁」有窗，亦都好少會開，因容易會有昆蟲以及臭味等問題：「光(明)廁但從來唔開窗，開左(咗)窗成日都有昆蟲飛入屋，老婆同個女鬼殺咁嘈」、「明廁可以擦住牙聞住鄰居啲屎味，鄰居中咗肺炎又易啲傳畀你」、「(「明廁」)缺點：吸人地既(嘅)糞氣，多個位入畀蛇蟲鼠蟻」。

亦有網民認為天氣較潮濕時，「明廁」就算開窗都難以將濕氣抽走，而開窗更有機會令昆蟲、臭味以及病毒傳入家中。

「黑廁」容易令物品發霉？浴室寶抽濕差又會令細菌積聚？

不過有網民就認為「黑廁」同「明廁」有好大分別，並直指「黑廁」非常潮濕之餘亦容易令浴室內嘅物件發霉：「黑廁濕到PK，要長開抽氣扇喎」、「我就租緊黑厠(廁)則屋，差到爆，膠邊、木器、護膚品之類發霉，開完大便，出黎(嚟)起碼30分鐘先到下家冇味」，而有網民就指「黑廁」可加裝浴室寶以解決潮濕問題：「黑廁內置浴室寶，抽濕-得、暖-得、防聞人地屎臭煙臭-得」，不過亦有網民指浴室寶嘅抽濕效果並不理想，排氣喉管更容易會有細菌滋生：「就算天花式浴室寶抽氣好x廢，你用過未嫁(㗎)」、「黑廁大部份氣喉都好長都冇得清潔，管道滿佈塵埃細菌，如果冇開抽氣己經會回流黑廁」、「光(明)廁做(就)算你唔開窗，開抽氣扇係排出屋外，你黑廁浴室寶條喉用得耐會積住細菌，無咁易排得走」。

有網民認為「黑廁」非常潮濕亦容易使物品發霉，就算使用浴室寶亦沒法有良好的抽濕效果，而排氣喉管更會容易令細菌積聚。

「明廁」有齊「黑廁」嘅好處？可應需要決定開唔開窗？
亦有網民認為其實「明廁」點都會比「黑廁」更好，全因「明廁」可因應情況而再作決定開唔開窗：「光(明)廁我可以揀唔開窗，黑廁想開都冇，根本已經無需要比較同討論。淨係採光同通風已經贏晒。我黑廁明廁都有，我好肯定話你知，光(明)廁win晒」、「黑廁有既(嘅)光(明)廁都有，光(明)廁仲可以開埋窗入多d(啲)自然風」、「想抽風開抽氣扇，想吸到新鮮空氣直接開窗，咁先叫有得簡(揀)」、「黑廁有既(嘅)好處，光(明)廁都有，光(明)廁有既(嘅)好處， 黑廁唔一定有」。

亦有網民認為「黑廁」所擁有的好處「明廁」亦同樣會有，但「明廁」更可選擇開窗以達而更佳的採光及通風效果。

text/Jonathan
photo/HKET圖片庫

============

同場加映：

【蝸居睇樓團】100萬做船主！2,000呎打卡靚船屋 三層5房2廁 啡色ｘ菱格豪華復古風