吳若希演唱會贊助陷困局全靠一位藝人有情有義幫手 星夢幫元老歌手失勢不復當年勇
曾被稱為「星夢一姐」的吳若希（Jinny），星期日（11日）將舉行出道12年來首個香港演唱會，開處女個唱固然是喜訊，但原來有消息指這個演唱會籌辦倉卒，由宣布開騷到賣票到開騷大日子只有不足一個月時間，而前期準備功夫更甚見困局，有傳星夢娛樂一直未能成功找到演唱會冠名贊助，最後全靠有位藝人朋友，有情有義出手相助！
吳若希的首個香港演唱會《Let Her Be Jinny》今個星期日（11日）將於麥花臣場館舉行，有指演唱會冠名贊助在前期準備功夫一直陷入困局，加上公司星夢娛樂集中投放資源到《聲夢傳奇》的新人如炎明熹Gigi、姚焯菲Chantel身上，導致Jinny的演唱會處於尷尬位，未有冠名贊助落實。
幸好其後，演唱會冠名贊助的事宜得到林盛斌（Bob）的出手相助，動用人脈為吳若希找贊助商。Bob早前也在社交平台上公開談及此事，表示收到自己公司的拍檔邀約一同為「你個friend（吳若希）」演唱會「夾一份」，於是Bob一口答應，再順水推舟找來商界朋友「幫手」冠名贊助，認真有情有義！
Bob全文如下：
有一日，拍檔小霖同我講：
「你個friend開演唱會，夾唔夾一份？」
「夾啦！」諗都冇諗過，我即刻答。
然後我打咗個電話俾一個朋友：
「我個friend開演唱會，幫手做個冠名可以嗎？」
「可以！」諗都冇諗過，佢即刻答。
今日，我問呢個friend：
「仲有個零禮拜開演唱會啦喎，準備好未？」
「未呀！」諗都冇諗過，佢即刻答。
其實我知道，呢段時間，佢好努力練歌，
每日都同團隊研究緊點樣可以做得更好。
我認識嘅佢，係一個對工作好認真嘅人，
尤其係歌唱事業，佢想將最好嘅嘢帶俾觀眾，
所以，我好相信，演出當晚一定係 good show。
Jinny，努力，加油，撐你！
►同場加映：【今期Chill抵】韓國炸雞店Puradak Chicken登陸將軍澳！大胃王挑戰贏$500現金券/身分證優惠送小食
圖及來源：IG@吳若希、BOB、節目截圖
港生活人氣本地熱話
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
【旅途無蝨】請您用AQUA PRO+TECH「驅蚊大師」滅菌驅蚊液 ！
