慳妹炎明熹獨自拖喼搭地鐵 書包用到爛/隔日先洗頭！只為慳錢買樓？

1. 搭巴士地鐵代步

最近炎明熹就被拍到獨自搭地鐵，素顏的她當時以便服打扮、拖住行李箱，形象相當親民貼地，難怪被不少網友大讚夠慳家。其實炎明熹不時都會被拍到出現在各種公共交通工具上，即使贏得《聲夢傳奇》10萬元獎金、傳以7位數參演節目《聲生不息》， 她依然選擇搭巴士地鐵代步，還坦言自己只是個小人物，不會因為有知名度而不乘搭公共交通工具。

2. 書包用到爛

除了出門會搭地鐵巴士，原來炎明熹私下也非常節儉，就連書包都會用到爛先會去換，去年她就在IG上分享了自己舊書包的照片，並寫上：「小紅的五臟六腑已破損，永遠懷念你，2021.09.18，再見。」難怪就連家人覺得她「婆仔」性格。

3. 財政大權由公司家人處理

炎明熹在接受《安哥同學會》訪問就提到，自己對於數字並不敏感，所以財政部分主要會交由公司、家人處理，加上自己平時開支以飲食、買文具或是同學生日的小禮物，直言自己「幾乎係有入冇出。」

4. 良好儲蓄習慣

自認「慳妹」的炎明熹直言，「我和姑丈性格相似，都是喜歡儲錢，不是有錢就要亂花。」她更在一次訪問中透露，小學時期每星期只有$20零用錢，金額雖然不多，但每次都會存起來，所以長大後已經夠用，不用家人再給她零用錢，年紀輕輕就養成良好儲蓄習慣。

5. 隔日洗頭為慳錢

炎明熹曾在TVB大玩「你問我答」遊戲時提到自己洗頭習慣，她表示，「睇嗰日頭髮嘅狀態，即係如果有嘢做要Set頭，我就會洗頭……你知唔知點解，因為要慳洗頭水。」為了慳錢要隔日洗頭，名副其實「慳妹」一名！

6. 死慳死抵賺錢買樓

沒想到平日死慳死抵、努力賺錢存錢的炎明熹，原來是為了可以早點「脫貧」，賺錢買到十層樓，不用一家人逼在一間細小單位裡，報答父母、姑丈、姑媽的養育之恩。

來源：TVB、IG@yiminghay

►同場加映：【衝出嚟玩】香港海防博物館闊別4年回歸重開！親子輕鬆郊遊路線/行勻24個史蹟點/180度海岸觀景位