樓價無乜跌過 仲有齊 Donki、Aeon、一田 網民熱議：買樓真係要買荃灣西同埋奧運？！
近幾個月樓價持續下挫，成為好多有心買樓人士嘅上車時機，但究竟邊個區嘅樓買得過呢？有網民喺連登討論區發帖，認為而家買樓，一定係考慮荃灣西同埋奧運站，原因，係呢兩個地區嘅樓價無乜點跌過！大家又同唔同意呢？但網民似乎數到荃灣西好唔掂咁……
荃灣啲渠當初全部亂駁，臭水問題好難搞！
一講到荃灣西，心水清嘅網民立刻搬出最「馳名」嘅「臭水」問題：「荃X啲臭水改善咗喇咩？」，有網民話政府應承咗會改善：「特首話kpi落咗指標，2024年要解決污水問題，減少一半污染，睇吓到時點！」，但亦有網民認為個問題幾嚴重同複雜，並唔容易搞掂：「沙咀道楊屋道大涌道當初全部亂駁，除非成條剷咗重做，或者大廈重建；另一個可對比就係荔枝角，因為當年要起荔枝角站D出口，青山道同大南西街剷哂整完先叫做好少少，而那條明渠依然好臭……而荃灣個問題比荔枝角嚴重，因為整條填海綫比荔枝角長，由深井到華人，渠嘅混亂情況嚴重好多，亦係海灘水質反影（映）到」。
亦有網民撐荃灣西消閒設施比奧運站好得多：「一個有齊Donki、Aeon、 一田，你話呢？」，但網民反而覺得唔係好事：「代表放假區內會人山人海，仲要有幾間戲院吸晒啲外區人嚟！」，撐荃灣西嘅網民仲有以下論點：「荃灣啲規劃幾好，有商業樓有民居，但啲樓宇高度同距離，令人行得幾舒服，又多野（嘢）買，近郊野公園，公園又多，雖然個海臭，但起碼叫有海景，西鐵又快，3個字去到紅磡」，
網民即指出荃灣缺點係舊區：「荃灣太舊，好無生氣，又有工業區」，網民反駁：「就係有新有舊多元化個地貌先好睇，如果全部新樓就係全部玻璃幕牆」，但有網民唔同意：「荃灣嗰啲舊，同日本昭和嗰啲舊係兩樣嘢，一個係殘舊，一個係懷舊！」
樓主認為近期荃灣西同奧運站嘅樓價無跌，絕對買得過。
荃灣西海旁嘅臭水問題，有網民認為政府曾承諾2024年會改善，亦有人認為荃灣好多渠都駁錯咗，要改善並唔容易。
網民撐荃灣西有齊Donki、Aeon同一田，係好大賣點。
雖然有網民認為荃灣規劃同民生設施完善，但亦有人覺得係舊區，無乜生氣。
奧運站個商場好廢 西九地運到2024年就完？
至於奧運站，網民反應係：「奧運成交量低喎！四小龍唔好啲？」，不過有網民力數荃灣西同奧運站大量缺點，認為呢兩個區都揀唔過：「奧運，我隻狗都唔住啦！首先，個商場廢嘅！無野（嘢）好食無野（嘢）好行，你可能會話想食野（嘢），咁去返大角咀囉！大佬呀，其實都遠！再講，西九去到2024九運樓就玩氣數已盡，由盛轉衰！荃灣西，垃圾地方，超多大陸人，個海臭到仆街得黎（嚟）又望得唔遠，住海怡或康城好x過」，但網民唔同意：「海怡太舊太遠，康城太濕太遠，屯元天、沙田大埔好啲喎！」、「真係正常嘅都唔會揀康城」、「海怡幾好，自成一角，但康城呢啲垃圾就唔好拎出黎講啦！」、「海怡一定好過康城啦，環境同交通完勝」。
網民認為奧運站嘅商場廢，西九嘅地運亦會喺2024年改變，呢區嘅樓買唔過。
有網民就為荃灣西同奧運站都揀唔落手，寧願揀康城。
text/Joyce
photo/HKET圖片庫
========
同場加映：
【蝸居睇樓團】大埔800呎新樓全拆 變侘寂風和屋 IG-able仿日本木屋+禪味水泥閣樓、玻璃主人房
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
