情侶花費過千蚊慶祝紀念日中伏!餐廳店員做錯1件事浪漫驚喜變驚嚇 網民:當你水魚

文: 唐卓寧
2022.12.15

生日、拍拖週年、結婚週年,總會想食餐好,讓有意義的日子變得更特別,但如果不小心中伏,高興隨時變掃興。最近有女網民與男友到一間水母餐廳慶祝拍拖一週年紀念,誰知餐廳環境和預期完全不一樣,食物味道亦欠佳,花費過千最後卻未能得到理想體驗,於是到網上發文力數餐廳3宗罪。

有女網民在Facebook群組「中伏飲食報料區」內分享,自己與男友到荃灣Cube O CAFE慶祝戀愛一週年紀念,餐廳主打水母觀景,誰知餐廳環境和預期完全不一樣,事主稱:「職員帶我地入去坐低,淨係得電腦mon咁大個野睇3隻水母,仲要係走廊位黎」,最後,為了可以在用餐時欣賞水母,決定轉到每位最低消費HK$500的Vip房,不過房內環境同樣普通,「入面有四面都係鏡,有四個圓柱體入面有水母,計埋我地有3張枱,但都係好,個枱布仲要好似茶樓個啲。」

 

食物味道亦欠佳,事主指,「野食就真係一般般,最難食係個龍蝦湯,苦到飲中藥咁」,叫來職員也只是淡淡回應了一句:「我地龍蝦湯係偏苦。」事主形容二人當時「呆左」,更聽從店員推介叫來另一款麵包,但她指「都係咁難食」。而下單時要求牛扒7成熟,上枱卻變9成熟。

楊洛婷公開與Dear Jane主音老公鴛鴦戲水共浴照 慶祝結婚8周年恩愛放閃惹網民問又要生多個?

到了最後的甜品環節,原來事主男友安排了浪漫驚喜,提醒了職員在甜品碟上寫字,不過,店員就大擺烏龍,「一黎到我地同個職員對眼望左幾秒,因為佢寫左人地個名同happy birthday」,店員收起後再上一次,但結果仍是有錯,寫漏了事主男友的名字,只有「12.1 Cindy 1st Anniversary」 ,拍拖一週年紀念秒變慶祝事主單身一週年紀念。

黃心穎近照曝光孖男友泥鯭拍拖放閃 融入男方朋友圈high爆睇世界盃

花費過千最後卻未能得到理想體驗引來不少網民留言「諗住睇住水母食飯,餐廳就當您地水魚,您睇佢,人地又睇返您」、「你去睇水母,人哋就睇水魚,咁就千幾蚊落樓,好過揸住支槍去搶」。亦有人留言補充相似情況,力證事主並非孤例:「上次去咁岩halloween個幾日,話90分鐘交枱,然後主菜都未上,就已經行埋嚟話last call,cls」、「冇樣野好食,我同男朋友第一次約會揀左呢度,以後都有個難忘回憶,當打個卡囉」。雖然事主體驗糟糕,但有網民不忘搞笑「想睇水母、點解唔去燒味檔叫份海哲?」

授權:Sze Ting Li

►同場加映:【衝出嚟玩】香港海防博物館闊別4年回歸重開!親子輕鬆郊遊路線/行勻24個史蹟點/180度海岸觀景位

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓