陳瀅殺入視后10強 曾為慳錢每月得$2千伙食費 頻拍劇賺錢供樓連老闆都大讚慳家

文: 黃樂恩
2023.01.07

就快又到萬千星輝頒獎典禮2022,今年視后競爭相當激烈,其中陳瀅憑《痞子殿下》亦有入圍10強名單,被問及視后戰一事,她坦言「一向對視后冇太大信心!」娛圈出名「慳家節儉」的她,近年頻頻出演不少電視劇,努力賺錢供樓,更不時被拍到一碗拉麵分兩餐食、慳5毫子膠袋錢等,難怪就連公司老闆都大讚陳瀅夠慳家,即入內文睇睇啦!

向來「慳家孝順」的陳瀅,自出道以來不時被拍到掃平價衫、食無綫飯堂的平餐,於2019年以價值7位數字加元買樓給家人後,更是努力賺錢、精打細算每一分錢,她曾提及現在單單是每月供樓、家用及生活開支達6位數,供樓及生活讓她壓力很大,所以才會計劃開源節流,「以前經常旅行、出街吃飯,現在想控制使費,要學習自己煮。」幸好的是,陳瀅坦言自己本身不算貪靚、不為食,所以每月伙食費約$2,000-$3,000已經足夠。今次為大家整理了陳瀅7大慳錢法,有興趣可以睇睇啦!

1. 專買特價貨

出名的「慳家」的陳瀅更被拍到逛平民家品店,精打細算的她對特價貨深感興趣,不單止被拍到買平價平底鑊後,其後仲為慳5毫子膠袋錢,直接拿著隻鑊周街行。

2. 多年儲錢習慣

陳瀅曾在一次訪問中提到,自己可以成功買樓「上車」最大原因就是靠多年的儲錢習慣,坦言不是「月光族」的她,原來從小就養成良好儲蓄習慣,不單止早在10歲時候已經開設銀行戶口,當時每月零用錢只有約$10-$20加元的她,仲會預留$5作為儲蓄。

3. 經營副業賺大錢

雖然陳瀅對於投資一竅不通,但非常有商業頭腦的她在2017年開始經營副業,與好友合資6位數創立首飾品牌Onliest & Co,成功靠著自身名氣、人際關係,開業短短一個月就已經回本有錢賺!

4. 對食要求不高

一向對飲食沒有高要求的陳瀅,不單止最喜歡食無綫飯堂的平餐,更不時被拍到一碗拉麵分兩餐食,與經理人吃$3平價壽司、一串魚蛋兩個人吃,就算跟JW、周嘉洛等人在機場食飯,都只會選擇在快餐店,盡顯「慳妹」本色。

5. 趁減價買平價衫

除了對食要求不高,相當有時尚觸覺的陳瀅,曾被拍到趁時裝店i.t大減價時,入手了幾件百元平價衫,真係好慳家呀!

6. 不再亂買東西

陳瀅直言自己讀書時很喜歡名牌,不過現在已經長大、學會了自立,加上每個月供樓、家用及生活開支,她表示,「我不可以奢侈亂買東西,所以我現在不買衫不買鞋。」

7. 用小眾品牌袋

平日除了會用名牌手袋,原來陳瀅亦有不少平價位的手袋,當中包括TELFAR 、By Far 、Coach、Furla 等小眾品牌手袋都有,價錢大約$1,162至$4,000不等,款式貼近潮流之餘,而且價格仲好親民!

美麗戰場|女神陳瀅平價手袋襯出高貴感!小資女必備 5大品牌最平千幾蚊就買到

來源:IG@missjniHKET

►同場加映:【衝出嚟玩】香港海防博物館闊別4年回歸重開!親子輕鬆郊遊路線/行勻24個史蹟點/180度海岸觀景位

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓