主婦慨歎：點解老爺奶奶衛生意識咁差，入屋唔除鞋周圍走？ 仿木地板難清潔？
經過呢3 年嘅新冠疫情，大家對衛生嘅意識大大提高，但有主婦喺親子王國討論區「控訴」：點解過咗幾年，每次老爺奶奶入屋，仍然係唔除鞋周屋走呢？樓主表示兩位老人家好似無諗過唔換鞋其實有問題，感到好無奈……究竟大家面對呢個處境，有乜解決辦法呢？
要為兩老安排專用家居拖鞋同凳仔換鞋用
樓主話雖然咁樣話老人家，好似好無禮貌咁，而佢其實亦只係想呻吓：「我知我咁講有啲唔敬老，但因為99有少少行動不便，咁樣開口話佢或者同c6講好似歧視左（咗）佢咁，所以只好喺呢度呻下（吓）」，有網民表示明白樓主嘅感受：「間唔時來一次屋企都唔除鞋，要深層清潔，都攞命既（嘅）」、「唯有放條毛巾，倒漂白水比（畀）佢地清潔鞋底，我家長老平日都着去街鞋周屋走，今早我未擦牙已在拖地了 ！」，有網民建議樓主，不如為兩老預備家居拖鞋等佢哋到訪時用：「不如你為佢兩老安排專用嘅家居拖鞋，佢哋嚟到畀佢哋著。我女家都係咁，我哋返去都有自己嘅專用拖鞋」，不過有網民就話咁樣就需要大啲嘅鞋櫃：「依招都ok喎！不過屋企鞋櫃要有返咁上下大呀」。有網民就話其實仲應該預備埋凳仔：「佢入屋時你拎對拖鞋，擔張凳仔叫佢坐低換鞋」、「老人家興大菌食細菌嗰套，下次你拎兩張櫈出走廊，叫長輩坐低先慢慢除啦」。
有網民建議樓主要為到訪嘅老爺奶奶預備家居拖鞋。
亦有網民提出除咗要預備拖鞋，仲要預備凳仔，等老人家可以坐低換鞋。
你其實有無開過口要求外人入屋除鞋先？
不過亦有網民問樓主其實有無開聲同老爺奶奶講要除鞋：「首先，你有冇開口要求外人入屋前要除鞋﹖有啲人屋企好污糟，根本冇叫人除鞋入屋既（嘅）習慣」、「我都覺得係，除非入屋前講，我見你屋企乾淨會問，否則，一般我都唔鍾意除鞋，唔想著住對襪幫人搽塵，同埋其實著對襪行黎（嚟）行去都唔乾淨啦，著屋主提供既（嘅）拖鞋（唔知咩人著過）就更加唔想。當然我自己亦唔會要求別人除鞋先入屋，都係印漂白水加印乾鞋底，對方走左（咗）先會整理返間屋」。
但有網民由呢件事，再延伸到地板嘅清潔問題：「如果唔可以當面出聲話佢地，就喺呢度發洩下囉，某程度上我明既（嘅），我屋企係仿木地板，有好多凹凸位，鞋底一踩好多菌攝入去好難清」、「我之前都因為就老人家怕凍，轉左（咗）用仿木地板，好暖但係難啲清潔，試過一排用威威，擦完之後好似有啲黑色一點點浮出黎（嚟），我怕地板霉左（咗），搞到要搵careu做半年germagic深層消毒，平時改用吸塵清潔」、「之前我都有問裝修師傅，話仿木地板同膠地板一樣，用乜清潔都得」。
有網民話其實唔同家庭有唔同生活習慣，或者樓主老爺奶奶本身家庭唔鍾意入人哋屋企會除鞋。
有網民引伸到討論地板清潔問題，話仿木地板難清潔。
text/Joyce
photo/HKET圖片庫
============
同場加映：
【蝸居睇樓團】元朗60年村屋變童話式退休Dream House！特大玻璃趟門廚房連飯廳+二樓溫馨小偏廳
港生活人氣本地熱話
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
