九龍灣勝在夠多商場？翔龍灣交通好方便？ 網民熱議：九龍灣定翔龍灣比較好住？

九龍灣有大商場但人流過多？翔龍灣近海又冇咁多人？
樓主就列出九龍灣同翔龍灣嘅不同優點以及缺點，樓主認為九龍灣為工商業區並坐擁德福商場，但就比較多公屋以及長期都人頭湧湧，而且鄰近車廠同路軌亦導致環境較為嘈吵；而翔龍灣則有近海嘅優勢之餘，區內亦唔會有太多人，而雖然翔龍灣附近少公屋，但亦比較多舊樓，交通方面感覺上亦較為不便，與港鐵站距離甚遠，而區內亦有較多地盤工程進行中。

樓主發文指九龍灣雖坐擁德福廣場，但亦卻令該區人流過多。

樓主並指翔龍灣人流少亦近海，但卻有著交通不便以及多舊樓的壞處。

九龍灣配套較好？坐擁多個商場？
有網民就認為九龍灣會比較好住，配套較佳，整體優點亦會較多：「講配套九龍灣x打啦」、「睇個人喜好，整體黎(嚟)講九龍灣必定多優點好多」、「咁一定係九龍灣」，而有網民更指出九龍灣坐擁多個商場，無論食嘢定係行街都多選擇：「淘大大把野(嘢)食，又donki又戲院，得寶、德福、megabox、九展大把野(嘢)行」，不過亦有網民認為九龍灣嘅缺點為有較多個人質素差嘅老人家於區內：「九龍灣好x多廢老」。

有網民認為九龍灣配套完善，區內更有淘大、德福、得寶、Megabox等多個商場以照顧居民生活。

翔龍灣去邊都方便？將有啟德體育園落成？
而有網民就認為翔龍灣比起九龍灣更加好住，並指翔龍灣交通方便之餘景觀亦夠開揚：「翔龍灣啦，去港島坐船，去油尖旺一堆巴士，景觀開揚，樓新d(啲)，生活配套近土瓜灣多野(嘢)食」、「翔龍灣啦，向海單位唔錯，位置香港中間，去邊都唔算耐」，亦有網民指出翔龍灣將會有多項重建計劃以及啟德體育園嘅落成：「翔龍灣隔離(籬)市建局收咗起新商場新樓，碼頭重建，有啟德體育園，正」、「遲啲啟德體育園起好咗，應該幾好住」，有網民更指翔龍灣先係屬於住宅區，而九龍灣則為商業區：「九龍灣係行街/返工區，翔龍灣係住宅區」。

有網民認為翔龍灣地理位置好，去任何地方都不會花費大量時間，區內更有渡輪以及多條巴士線供選擇。

亦有網民認為翔龍灣區內於不久將有啟德體育園落成，皆時會更加適合居住。

翔龍灣多內地遊客？有唔少凶宅單位？
不過亦有網民認為翔龍灣並唔好住，並指出區內有不少內地人以及南亞人之餘，交通其實亦並非十分便利：「自由行通返，翔龍灣一落樓就一車車大陸團，行遠少少就南亞佬」、「翔龍灣都住左(咗)唔少大陸佬，後幾條街好多南亞佬蒲，地鐵站行過去都唔算近，除左(咗)過海方便之外我覺得麻麻」、「翔龍灣睇過一次樓，遠x到。除非你搭到門口D(啲)車，日x日要行出去，好痛苦」，更有網民指翔龍灣有著不少嘅凶宅單位：「翔龍灣盡有大窗台加露台，凶宅都幾單跳樓，有單仲泳池邊著地啲血腦漿落晒水入面」。

有網民認為翔龍灣以往有不少內地遊客，而且位置並不鄰近港鐵站，亦更存在著不少凶宅單位。

text/Jonathan
photo/HKET圖片庫

============

同場加映：

【蝸居睇樓團】元朗60年村屋變童話式退休Dream House！特大玻璃趟門廚房連飯廳+二樓溫馨小偏廳