公屋唔係起得唔夠多而係太多人濫用公屋? 網民熱議:公屋輪候時間過長 到底係咩原因做成?

文: U Magazine
2023.03.22

公屋輪候時間過長,係香港社會長期存在嘅其中一項民生問題,而公屋輪候時間過長又到底係咩原因所導致呢?最近就有網民喺連登討論區上發文,指公屋輪候時間過長,係因為有唔少人都濫用緊公屋,而並唔係公屋嘅供應唔足夠,因而就引起一眾網民熱烈討論:係咩原因導致輪候公屋要咁耐時間?

公屋被濫用導致輪候時間長?有人有車又有樓都有公屋住?
樓主表示太多人濫用公屋係導致公屋輪候時間過長嘅主要原因,並建議網民一同舉報濫用公屋嘅人:「公屋排得耐根本唔係起唔夠,係多人濫用。大家一齊舉報,等班x樣交翻(返)間屋出嚟。得公屋得天下班串xxx樣,我哋今日就要你收檔」,有網民就認同樓主嘅說法,指出的確有不少人都正在濫用公屋:「識得好多人,住公屋,但係出面有層樓收緊租」,更有網民指出有不少住公屋嘅人又有車又養狗:「真,一堆名車,又一堆養狗x,自己都養唔掂,點解仲可以養車養狗?」。

有網民認為現時有不少人都濫用公屋,而濫用公屋的人過多就是導致公屋輪候時間過長的原因。

舉報濫用公屋冇用?應再收緊公屋嘅審查?
而有網民就認為舉報濫用公屋嘅成效不大,所以亦導致公屋輪候時間過長:「我舉辦(報)咗同層一(個)單位,但完全無人理」、「舉報完都冇x用,我舉報左(咗)一年多,比(畀)左(咗)好多料佢地,呃公屋嘅人仲快樂住緊公屋,我email房署問進度,佢地話不便透露進度我知,有更多資料就再提供比(畀)佢地,onXX,比(畀)哂料佢地都唔x做野(嘢),起幾多公屋都冇用」、「雖然10戶有9戶都虛報,但舉報條x咩,都無咩聽過有人俾人趕出黎(嚟)」,因而就有網民指應要收緊對於住公屋資格嘅審查:「支持收緊公屋審查!每年大概只有400戶因為資產超額而被收回公屋,大屋搬細屋每年就1000戶,以比例上根本就係唔合理。明明啲人有能力但又唔搬走,先係唔夠公屋嘅主要原因」。

有網民認為向房屋署舉報濫用公屋的成效不足而且進度綬慢,所以應要再收緊有關公屋的審查制度。

有大量移民打尖?持有海外物業都申請到公屋?
有網民認為另一個原因係內地以及南亞移民於輪候公屋有更優先嘅次序:「大把大陸人同蝻(南)亞狗打尖,全部寄生蟲黎(嚟)」、「仲有成群支畜(意指內地移民)插隊,條隊越黎(嚟)(越)長」,更有網民指出有唔少內地移民於國內其實已有物業但亦成功申請到公屋:「跟(根)本大把新移民大陸大灣區有樓,但係房署去計資產唔會計果(嗰)啲,果(嗰)啲人最應該返大灣區」、「唔少新移民大陸有樓,都申請到公屋,報房署都無用」,所以有網民就認為應要對擁有海外資產嘅公屋申請人附加申請條件:「加多個條件比(畀)租戶「同意無條件轉讓未有伸(申)報的海外資產比(畀)房署」已經掂,唔好罰租金佢唔搬老破都冇計,一收左(咗)佢內地層樓賣,已經大把人縮」。

有網民認為一眾移民有更優先的輪候次序,導致公屋輪候時間愈來愈長。

亦有網民指因持有海外物業的人現時亦能夠申請公屋,所以應要修改現時政策,為該類申請人附加申請條件。

長者住哂大單位?私樓太貴?申請人揀樓住?
亦有網民指出公屋輪候時間過長亦因有不少長者都霸佔了大單位嘅公屋:「首先解決左(咗)70歲定65歲唔駛(使)大搬細先啦,班廢老,一兩個人,住成500呎」、「60(歲)以上已經唔洗(使)搬細,佢寫就係70(歲)以上先一定唔洗(使)搬,但60(歲)以上已經極小要你搬」,有網民就提出私樓樓價過高以及公屋申請人過於揀擇亦係其中嘅原因:「私樓貴到離哂地,買唔起買(就)排公屋」、「濫乜鬼用呀,派到比(畀)D(啲)人,又話遠又話細,又話樓齡舊,唔肯住,然後又話自己排得耐上唔到樓」。

有網民認為過多長者霸佔大單位公屋、市民負擔不起私樓樓價以及公屋申請人對指派公屋過於挑剔,亦是導致公屋輪候時間過長的原因。

text/Jonathan
photo/HKET圖片庫

========
同場加映:
【家居達人】10個快速乾衣貼士 提高抽濕機效能、晾衫小妙招

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓