江若琳結婚4周年宣布懷孕陀「Bb包」 PO老公甜蜜合照IG報喜:最珍貴的禮物

文: 羅志宏
2022.12.23

藝人江若琳(現名:江伊晴,Elanne)於2018年與蕭潤邦(現名:蕭唯展,Oscar)拉埋天窗,結為夫妻,一直過二人世界。今日(23日),二人就在IG社交平台上宣布升呢成為父母,Elanne宣布懷孕陀「Bb包」,更報喜表示是「最珍貴的禮物」,寫下長文難掩升呢父母的興奮。

藝人江若琳(現名:江伊晴,Elanne)於2018年與蕭潤邦(現名:蕭唯展,Oscar)拉埋天窗,結為夫妻,一直過二人世界。今日(23日),二人就在IG社交平台上宣布升呢成為父母,Elanne宣布懷孕陀「Bb包」,更報喜表示是「最珍貴的禮物」,寫下長文難掩升呢父母的興奮。江若琳在IG社交平台上上載夫婦的甜蜜合照,與老公Oscar坐在聖誕樹前拿著BB衫拍照,幸福感不言而喻。

全文如下:

 

[最珍貴的禮物]

今日係我地兩口子結婚4週年啦 今年我地得到左一份渴望好耐而又彌足珍貴既聖誕同結婚週年禮物 我倆等待你既出現足足4年啦,一直都以為生BB係一件理所當然,好容易既事,但呢幾年間經歷過不停既嘗試又不停咁失敗,連身邊既朋友都比我地著急,次次都關心我地幾時生得出 我地都會感慨 ,生仔原來好難
但到最後我們已經選擇左半放棄,經常都話,就算世界只係得我地兩個,我地都會快樂地走到白頭,不過人生就係一個充滿驚喜既旅程,每當你好用力想要得到一樣野既時候,往往總係事與願違,但當你選擇放下放輕鬆時,聖誕老人 就會係一個最美好既時間點將你最想要既禮物送俾你!
4年前 我得到左一個好愛我既生煎包
4年後我地得到左一個最愛既bb包
Bb包,感謝你既到來,時間不遲也不早,來得剛剛好!雖然我仲未想像到我做人阿媽係點,應該都係論論盡盡 ,騎騎呢呢咁 但我地會努力學習,將最好既俾你!
呢幾個月失蹤左的我,係疲累,反胃 嘔吐🤮既生活中不停徘徊 ,但每日都充滿住感恩同感動🥹請繼續折磨我吧!你繼續健康平安長大就好
最後預祝大家聖誕節快樂
#大家都夢想成真
#老公結婚4週年快樂
#你既家庭地位又排後左一位
#終於由2變3

►同場加映:【衝出嚟玩】將藍隧道及將軍澳跨灣大橋12月開通!來回簡易2小時單車路線/觀景台打卡

 

圖及來源:IG@江若琳

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓