佘詩曼做歌手推出首支單曲《前排位置》賀入行25年 罕有獻聲挑戰高難度憑歌寄意答謝粉絲

文: 羅志宏
2022.12.23

視后佘詩曼(阿佘)今年入行25年,演過無數經典角色,多年來得到不少幕前幕後的幫助及觀眾支持,阿佘心底裏一直很感激每個沿途陪她穿過高山低谷的有心人,鮮有獻唱的阿佘,今次向高難度挑戰,認真地找來江暉作曲、編曲及經理人JC監製,林若寧填詞,創作入行以來首支單曲作品《前排位置》。

阿佘在社交平台分享自己「第一次」,「今次試吓新搞作,玩憑歌寄意,話晒入行25年,點都有少少感觸;能夠成為今日的我,單憑我一己之力,絕對冇可能做到。要多謝嘅人實在太多太多!有包容我嘅家人、保護我嘅朋友、鍾意我嘅觀眾、為我無條件付出嘅支持者、當然最重要嘅係給我機會及一起共事嘅每一個你!」

►同場加映:【衝出嚟玩】堅尼地城1萬呎遊樂場Sooper Yoo門票85折起!2小時任玩攀爬障礙迷宮+單車激戰

阿佘續稱:「慶幸沿途有你,珍惜你嘅出現,感謝你哋成就了我,永遠給我『前排位置』。所以忽發奇想,將我心入面嘅感激同心聲都寄意於歌詞裡,嵌在音符上,送給我遇到嘅每一個你!一份遲來的25周年紀念禮,希望你們鍾意。」

對於今次出歌,阿佘笑說:「真的無諗過自己會咁做,好大膽,要將一隻歌唱得好聽已經好難,但係原來由構思去到製成品,呢個過程仲難。其實隻歌原先打算七月出街,點知搞到而家先正式完成,好彩仲趕得切喺2022年送俾大家!我希望多謝曾經出現、陪伴支持、愛護我的每一個你之外,大家聽完首歌,都要感激永遠放你喺最前排位置嘅人。」

 

圖及來源:MV截圖、節目截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓