有種好男人|莊鍶敏出動20萬私伙手袋富貴拍劇 自揭見過進擊拜金女奇招釣金龜

文: 羅志宏
2022.12.28

TVB新劇《有種好男人》最新一集除了有張國強飾演背妻偷食的「咸濕富豪」力追李佳芯成為焦點外,「金牌人生教練」莊鍶敏的登場亦成另一焦點。莊鍶敏在劇中出動20萬私伙手袋教「釣金龜」,私伙上陣相當富貴。

張國強(KK)飾演的「咸濕富豪」力追Ali,其中一場跟Ali的漫步沙灘戲,皆因拍攝當日氣溫急降又大風,加上劇情所需要赤腳,令二人凍到震。KK表示:「嗰日我準備咗薑茶同Ali分享,點知佢又有,所以佢係一個幾窩心嘅好拍檔。」與太太結婚34年的KK出名「愛妻號」,雖然過去不止一次與女拍檔有親密演出,但入行46年仍能保持零緋聞,對此KK說:「多謝太太多年信任。」

劇情另一焦點落在金牌人生教練岑曉婷Erica(莊鍶敏飾),劇中大搞自我增值課程,名義上教授全方位造型及禮儀,但一班女學生實質只為博取「釣金龜」機會,學生之一的Jennifer便成功搭上蔣定天。提到角色需要經常盛裝出入上流社交場合,貴為「大馬拿督千金」的莊鍶敏透露有出動私伙配襯,價值約20萬的Hermès Kelly手袋更是貴氣十足。

問現實可有接觸「進擊拜金女」,她笑言:「我有見過三五成群嘅女仔特登學金龜鍾意嘅活動,譬如打高爾夫球,又會自學點接近啲金龜。」至於有否被女生要求介紹筍盤?莊鍶敏笑言:「啲女仔通常都咁講,但我未試過介紹筍盤畀朋友,因為我身邊都唔夠筍盤,我自己都好想要!」

 

►同場加映:【衝出嚟玩】堅尼地城1萬呎遊樂場Sooper Yoo門票85折起!2小時任玩攀爬障礙迷宮+單車激戰

 

圖及來源:TVB

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓