陳茵媺親爆與陳豪相識經過因為一位幕後同事 相愛十年罕有夫妻檔同框做節目究極級放閃

文: 羅志宏
2023.01.01

「愛妻號」陳豪在節目《豪遊咖啡》最後一集就邀來太太陳茵媺(Aimee)壓軸登場任嘉賓,兩公婆相約於西貢一間咖啡小店撐枱腳,互動可謂「戴住超都閃到盲」,陳豪更以不斷以「Baby」稱呼愛妻,簡直羨煞旁人!這對陳氏夫婦更罕有公開當初的相識經過,如今結婚多年仍恩愛如昔。

陳豪這次罕有與愛妻同框於節目,一開始就甫現身已甜蜜拖實手仔,拖實陳茵媺步行至咖啡小店,以「甜到漏」視線對望,幸福感溢於言表。除了暢談雙方的歎啡習慣,陳茵媺還大爆陳豪有鋪儲咖啡機癮,擺滿廚房和天台之餘,兩人更曾為廚房「劃位」講數,令陳豪默默投訴不能逐部咖啡機擺放展示出來。

►同場加映:【衝出嚟玩】赤柱孖崗山觀景台1小時來回新手路線!適合親子郊遊/飽覽赤柱灣無敵靚海景

席間,二人公開相識經過原來源自咖啡,自稱「一定要飲咖啡先記到稿」的陳茵媺憶述指,當年因經常拎住咖啡四圍走,結果屢被幕後同事指與陳豪性格相似,從而令她開始留意陳豪。她冧笑望向老公續道:「有次服裝姐姐叫我搵你沖杯咖啡飲,然後唔夠一秒你就入咗服裝間,跟住我問你攞咖啡,你就即刻出去整……」

接著,陳茵媺透露9歲大仔Aiden和6歲幼女Camilla均深得爸爸遺傳,對咖啡有濃厚興趣,說畢即扮Aiden平時如何仿效爸爸陳豪「嘈喧巴閉」整咖啡,並分享了Camilla偷飲咖啡的萌爆趣事。最後陳豪即場教太太炮製虹吸咖啡,陳茵媺則甜笑謂:「呢個係我10年以來第二杯沖嘅咖啡。」老公愛錫之情,盡在不言中!

圖及來源:TVB

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓