Edan呂爵安新歌〈LOVERSE〉MV誇張造型演外星人 孖女主角曾睿彤發展超友誼感情
踏入2023年之前，MIRROR成員Edan呂爵安推出全新R&B風格的派台歌〈LOVERSE〉， MV裡更化身成外星人的誇張造型，與地球人發展超友誼感情。今次新歌MV找來新晉演員曾睿彤擔任MV女主角，而其實歌名特別加入元宇宙（Metaverse）概念，亦是別出心裁的設計。
►同場加映：【衝出嚟玩】赤柱孖崗山觀景台1小時來回新手路線！適合親子郊遊/飽覽赤柱灣無敵靚海景
Edan今次首度與填詞人周耀輝合作，「〈LOVERSE〉係想講愛對人類好緊要，愛喺全宇宙都係一個共通嘅語言，喺任何地方都會發生，係一件 永恆嘅事情。」歌詞裡面有兩句Edan印象很深：「愛就要笨到像天才 / 愛就要大到成為大愛」，他覺得這兩句的形容很巧妙，他說:「愛未必好Logical（邏輯性），未必好有原因，甚或有時可能會好蠢，但呢個就係愛嘅精神，唔好諗太多，唔好估太多。」
今次是Edan第一次接觸R&B，一直很擔心難以拿捏，而為了盡善盡美，他特別用了7日時間灌錄〈LOVERSE〉，是繼〈E先生連環不幸事件〉之後灌錄時間最長的一次。〈LOVERSE〉本來預定在聖誕節推出，不過因延期最終改到大除夕才面世，不過這卻與MV裡的情節吻合了!因為MV裡都有倒數情節，而Edan亦化身外星人來到地球，遇上一名少女，發展出超出估計的情誼。
Edan變身外星人，原來都有段故，他說：「以往啲MV我都係演一個貼地嘅男生，會經歷大家都會經歷嘅嘢，好多類似嘅嘢，所以就諗不如試啲新嘢，或者跳脫啲，冇咁現實嘅嘢，結果就揀咗外星人嘅主題。自己聽咗個故仔都覺得好吸引，更提出我要做外星人!」為了做個入型入格的外星人，Edan不但換上最誇張的服飾，他更漂白了頭髮，又戴了Colour Con，讓人眼前一亮。
今次〈LOVERSE〉MV不但要在不同地方取景，又要轉換多個造型，更要一日內完成拍攝，所以整個拍攝進程都十分緊張，Edan也表示辛苦：「今次最攰係戴Colour Con，不嬲戴Con都唔可以戴好耐，會好攰好拮眼，加上前兩日開始喉嚨痛，有少少嚥喉發炎，有少少感冒，好在有Keep住食 藥，我比較擔心女主角多啲，因為有幾個Shot（鏡頭）同我好近距離，我同佢講都應該病硬。」
明天就是2023年，Edan特別分享了他來年的目標。「2023年希望出多啲唔同種類嘅 歌。其實都袋住咗啲歌好想出，亦都係風格好唔同，希望可以儲多啲唔同種類嘅歌。另外就係繼續唱多啲歌，變靚仔啲，做戲做好啲!」最後，Edan為各位送上最有愛的 祝福，說:「祝大家2023年新年快樂，希望大家可以勇敢去愛，搵到自己所愛，活喺 呢個充滿愛嘅宇宙入面，同埋記得聽〈LOVERSE〉!」
呂爵安Edan新歌〈LOVERSE〉MV
港生活人氣本地熱話
【🎁免費送】HIZERO 輕量級F300潔地機！
【旅途無蝨】請您用AQUA PRO+TECH「驅蚊大師」滅菌驅蚊液 ！
