疫情持續，本港止痛退燒藥物大缺貨，個別品牌的藥物更被炒至$798，可謂一藥難求。不過近日（1月1日）就有筲箕灣街坊於網上發帖免費贈藥，共捐出48排即將下月過期的撲熱息痛藥物，總數為480粒，每人限取3排30粒，先到先得！帖文一出即引起不少網民大讚，紛紛表示「欣賞你的無私」、「贈醫施藥！讚！」，即入內文睇睇啦！
最近有網友在Facebook群組「筲箕灣西灣河關注組」發帖免費贈藥，指自己最近收拾房間時有多盒發現自己有盒將於下月過期的撲熱息痛藥物，「由於之前醫生健議可以停食，放放下就唔記得咗」。樓主表示現時家中還剩48排，每排10粒，有效日期至2023年2月。為免造成浪費，於是決定大方送出所有止痛退燒藥物，並規定每人限取3排30粒，先到先得。
事件曝光後，更有街坊更加入捐贈行列，捐出11排下月過期「全新未開封paracetamol」的同款藥物，由樓主一併派發給有需要的街坊，現時總數共590粒藥物。同時樓主亦呼籲各位街坊有需要才取藥，而取藥地點為筲箕灣天悅廣場淺水碼頭村入口，「有位伯伯賣口立濕條巷仔，行上去玻璃門入口內等」，自取前須先私訊約時間。
該止痛退燒藥物為Paracetamol.BF-PARADAC TAB 500MG，成份為Paracetamol（撲熱息），每錠藥片劑量為500毫克，可適用於退燒及各種痛症（如頭痛、關節痛、牙痛等），成人及兒童均可服用，但劑量不同。
帖文一出，許多網民大讚樓主有的善舉，留言表示「想讚一讚只拎一排或兩排的人，當然更要讚樓主！」、「欣賞你的無私」、「贈醫施藥！讚！。同時也有不少網民擔心藥物最終會落入炒家手中，「你會益咗炒家，希望真係幫到有需要嘅人」、「唔好畀陌生人啦，唔驚人拎去炒咩？」，更有網民建議樓主「用marker筆寫贈送兩字」。其後樓主在留言區回應，指自己亦有相同考慮，所以才會限制每人只可取3排，並表示「我堅信香港仲有好多好有愛心嘅人」。
►同場加映：【衝出嚟玩】堅尼地城1萬呎遊樂場Sooper Yoo門票85折起！2小時任玩攀爬障礙迷宮+單車激戰
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
