網民熱議:洗碗碟機好唔好用?揀機有咩要注意?座檯式冇用?有大買大?唔可以洗刀具、木器?

文: U Magazine
2023.01.06

洗碗係香港好多家庭每日都做要嘅家務,而若家中有洗碗碟機就可以幫輕唔少,但洗碗碟機到底又好唔好用,買同用嘅時候又要注意啲咩呢?早前就有網民喺連登討論區上發文問多項有關洗碗碟機嘅問題,因此就起引不少網民討論洗碗碟機究竟好唔好用,以及選購和使用時有咩要注意!

座檯式太細唔夠用?應該要有大買大?
樓主就表示想為屋企添置洗碗碟機,但由於空間問題,暫時就打算選購座檯式嘅洗碗碟機,並向網民問到幾個有關洗碗碟機嘅問題:「1,座枱式會唔會唔買好過?一定要嵌入式先好?2,咩牌子型號好?3,睇舊post就話買親都唔後悔,有無後悔既(嘅)人?」。

有網民就指座檯式洗碗碟機太細會唔夠用之餘又會阻礙空間,建議樓主應有大買大:「座枱式唔買好過買,放枱面又阻住,又唔夠大,到時放碟要放到砌積木咁會好不爽同晒(嘥)時間。嵌入式可以成個煲放埋入到,好爽。但嵌入式要裝修果(嗰)時諗定,要有來去水同電,類似洗衣機咁」、「有大買大,唔好買座台(枱)個細機,到喉唔到肺,買細不如用手洗」,亦有網民指體積較細嘅洗碗碟機洗唔到到煲同鑊等嘅廚具:「空間問題用緊45cm坐地,結論係早買早享受同有大買大45cm擺唔到煲入去洗」、「我買左(咗)細s,開頭真係好開心,之後要放埋d(啲)煲鑊,發現唔夠用,勁後悔點解唔買座地,搞到成日要開兩機,所以有位就買大」。

有網民認為座檯式洗碗碟機容量太細,建議應購買較大的座地式洗碗碟機。

兩人家庭用座檯式都夠?牌子建議揀西門子?
不過有網民就認為座檯式洗碗碟機亦適合屋企人數較少的家庭,如兩人家庭使用:「屋企細,用座枱都夠」、「屋企無位擺座地式,只全見百貨公司特價,買左(咗)部東芝座枱既(嘅),兩個人用就叫做合格可接受,但係煲同鑊就要自己洗返,不過都已經幫輕左(咗)唔少」、「屋企用座枱式,除咗鑊放唔到入去洗之外一切都好好,如果有玩烘焙嘅話建議買座地好啲」,而有網民就建議若要選購座檯式洗碗碟機可考慮品牌西門子所出產的洗碗碟機:「座枱至小(少)西門子先夠用sk26e822eu,Panasonic座枱洗唔到大啲嘅鑊,rasonic同東芝太細買完後悔」。

有網民認為兩人家庭使用座檯式洗碗碟機亦尚算足夠。

洗碗碟機好用又可慳時間?用於清潔油積一流?
而網民亦討論到究竟洗碗碟機好唔好用,買咗到底會唔會後悔,有網民就認為洗碗碟機除力清洗能力強之餘,更可節省不少洗碗時間,絕不後悔買下洗碗碟機:「唔係講笑,洗碗機真係好x好用同洗得乾淨,唯一唔好處可能係用水用電會多d(啲),但幫你慳好多時間功夫係超值,建議廚房空間夠大就盡買大部d(啲)」、「買咗座檯西門子大半年,完全無後悔,每日食完飯多半個鐘玩電話」、「買洗碗機係全屋電器最冇後悔果(嗰)樣」,更有網民指用洗碗碟機清洗餐具嘅油積(漬)一流:「我最鐘意個(嗰)種比(畀)好熱熱水沖洗完果(嗰)種滑溜無任何油既(嘅)感覺,以前洗油野(嘢)要煲滾水浸下(吓)又要溝d(啲)凍水再帶手套先開始洗,而家真係唔駛(使)搞咁多掉晒入去乾手淨腳」、「每次打完邊爐、食完燒肉、氣炸鍋完,見到油到x街,開最強70度mode,洗完即刻唔油果(嗰)種感覺係好x爽」。

有網民認為洗碗碟機非常實用,清潔效果一流,使油積可容易清除,更可節省不少洗碗時間。

唔可以洗刀、木器、玻璃蓋、膠盒?
另外有網民就指曾聽說洗碗碟機唔可以用於清洗刀具:「我買果(嗰)時D(啲)師傅話唔好放刀入去,唔知點解」,有網民就解釋指係因為洗碗碟機會將刀洗鈍,並指出數種同樣唔適用於洗碗碟機嘅物品:「因為落洗碗劑有微粒打磨成份,會洗鈍把刀,仲有木器唔入得,煎PAN果(嗰)D(啲)玻璃蓋唔入得(會爆),承受唔到高溫的膠器皿唔入(得),有鍍金邊或花紋之類嘅唔入得(會洗甩)」,不過亦有網民指自己多年都一直使用洗碗碟機清洗木器亦不見有任何問題:「木器理論上唔入得,但木筷子,木隔熱架我洗左(咗)幾年都未爆;玻璃蓋蒸魚100度蒸氣都得,洗碗機最多7、80度熱水,冇可能唔得;食物膠盒我又洗」。

有網民指洗碗碟機不可用於清洗刀具、木器、玻璃蓋以及膠盒等,因可能會導致這些餐具有損壞。

text/Jonathan
photo/HKET圖片庫
========
同場加映:
【蝸居睇樓團】孝順女為父母打造將軍澳養老Dream House!半玻璃睡房間隔慳冷氣+無地台門柄減家居意外


用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓