平時會去開街市買餸的朋友留意啦！早前有位港媽在黃大仙街市買餸時 ，明明支付$500紙幣， 沒想到卻被檔主當成是$100紙幣，而且拒絕找續剩下的$400？最後港媽只能放棄爭拗離開，在網上大呻「我一個女人仔可以做啲乜」，即入內文睇睇啦！
日前有港媽在Facebook群組「黃大仙區友（黃大仙，新蒲崗，鑽石山，慈雲山……）」發文，大呻本周一（2日）早上光顧黃大仙大成街街市一個魚檔，當時她以$138購買3片三文魚，總共支付了$538，不過在魚檔等了很久都沒有找錢。當時檔主還問她發生甚麼事，其後堅稱沒有收過$500紙幣，只收到事主一張$100紙幣及$38散紙，因此拒絕找續$400。
事主憶述當時情況，指已經多番強調自己給予的是$500紙幣，「我銀包有三張$500，當時拎咗一張俾佢剩番兩張。」但檔主依然「死口唔認收咗」，最後事主只能拍下魚檔的照片、放棄爭拗離開，委屈表示「我一個女人仔可以做啲乜」！
帖文一出，即掀起不少網民熱論，有網民認為事主太過軟弱，當時應該即場報警，努力為自己爭取權益，事主在留言區回應指，今次在網上分享事件「只係想借一個平台呻吓、提醒吓，非心虛，不喜勿插。」同時亦有網民認為「去街市買嘢，就唔好比大牛」、「$500俾我會去便利店增值咗$100先，然後再入街市買餸」，建議事主用大鈔買餸時候應該跟老闆說聲「我而家畀$500」。
來源：FB@黃大仙區友（黃大仙，新蒲崗，鑽石山，慈雲山……）、HKET
►同場加映：【衝出嚟玩】赤柱孖崗山觀景台1小時來回新手路線！適合親子郊遊/飽覽赤柱灣無敵靚海景
活動資訊
- 地點
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
