網民熱議：皇后山好唔好住？配套係點？設施新淨又有靚山景？但交通非常不便？

配套完善？設施又新又乾淨？
樓主就問到皇后山居民住咗喺度已有一年有何感受：「住咗一年皇后山嘅街坊，大家覺得如何」，並表示希望皇后山嘅配套可更加完整：「希望時間過得快啲，配套可以完整啲」。隨後一眾網民亦紛紛發表自己對皇后山嘅睇法，有網民就認為皇后山現有配套亦算完善：「而家配套唔完善？個商場有既(嘅)舖已經多過好多屋邨(商)場，仲要有連鎖店、餐廳齊晒」，更有網民指皇后山嘅設施新淨之餘，環境亦都一流：「準備搬入去，啲設施幾新幾乾淨，山景又靚又有商場」、「環境清幽，旺中帶靜，鄰居高質有禮，設施新淨，配套齊全」。

有網民認為皇后山有配套齊全、景觀一流及設施新淨等的好處。

去行山好方便？皇后山邨更勝山麗苑？
而有網民就指皇后山鄰近流水響，居民去該處行山會非常方便：「去流水響行山好方便」、「yes，去行山一流」，更有網民認為位於皇后山嘅居屋山麗苑正：「居屋，好正，不過我住開粉嶺」，不過有網民就指山麗苑位置比起皇后山邨差：「居屋入到x街，公屋x打」、「我都住開粉嶺，但(居屋)都真係好x入」，而有網民則指山麗苑其實只有勝在景觀好：「居屋陣(淨)係贏個景」。

有網民指皇后山鄰近流水響，非常有便於行山。

有網民認為山麗苑地理位置不佳，皇后山邨於位置上更勝山麗苑。

交通好唔方便？泊車位不足又貴？
至於皇后山嘅交通方面，眾多網民都對皇后山喺呢方面嘅配套置予劣評，認為接駁去皇后山嘅巴士及小巴班次嚴重不足，等車時間非常耐：「之前有一次入去朋友屋企，最記得係來回等巴士都要成半個鐘，城巴嚟，疏到爆，未試過等咁耐巴士」、「新樓算唔錯，但交通真心差，多小巴巴士線都冇用，次次都上爆人」、「有次經過上水見到勁x多人排隊以為有錢派，x你老x原來係等車返皇后山」，亦有網民指就算唔計排隊時間，由皇后山搭巴士去粉嶺站亦需足足近20分鐘：「派咗公屋都唔搬入去啦，九巴個app都寫要搭18分鐘先去到粉嶺站」，而更有網民指出皇后山對駕駛人士亦非常不便，全因皇后山嘅車位租金貴之餘供應亦不足：「得好小(少)車位，連帶附近啲爛地都升到好貴兼無位」。

有網民認為皇后山交通非常差，巴士及小巴的班次不足之餘，乘搭巴士往返粉嶺港鐵站的車程亦需足足18分鐘。

亦有網民指皇后山車位少之餘租金亦昂貴，不便於駕駛人士。

好多內地移民居住？居屋都佔有3成？
另外有網民就問到皇后山多唔多內地移民居住：「多唔多腥港人(意指內地移民)？」，有網民就認為約有3成嘅皇后山居屋居民係屬於內地移民：「暫時3成，居屋個(嗰)邊我估差唔多，公屋唔知了」，但有網民就質疑皇后山不只居住了3成內地移民，認為實際上應有更多：「咁少？佢哋至鍾意新樓」、「係啦，無理由咁少」、「點會3成呀，唔好打飛機啦，勁多蝗搬入去，又近大陸」、「最少7成」

有網民估計皇后山的山麗苑約有3成內地移民居住，更有網民質疑實質上應有更多。

text/Jonathan
photo/HKET圖片庫

========
同場加映：
【蝸居睇樓團】鰂魚涌風水屋靚裝大變身 遷就床頭方位三房變四房、超強儲物衣帽間