有種好男人|李佳芯大晒「仙女式」喊戲獲網民讚靚到暈 視后演技50秒喊戲梨花帶雨令人心痛

文: 羅志宏
2023.01.06

TVB劇集《有種好男人》日前一集講到馬德鐘向吳偉豪的媽媽訓斥,豈料原來是李佳芯,而見到兒子唔生性,Ali亦相當激心,展現梨花帶雨的淚功,50秒的喊戲大晒視后級好演技,「仙女式」的喊法更獲網民讚靚到暈!

昨晚(5日)一集楊日正(馬德鐘飾)現身解圍,惟Charlie(李佳芯Ali飾)聞悉囝囝Woody(吳偉豪飾)闖禍後傷心落淚,深感內疚的Woody即攬實媽咪Say Sorry,場面感人。今集Charlie更會向知己顧迦南(胡諾言飾)自揭當年靠日正捐精生B,並指靠近對方是為了替Woody找回「生父」,以防將來自己有所不測時無人照顧囝囝。

對於Ali梨花帶雨的「仙女式」喊法,不少網民大讚「喊得靚」,對此Ali謙稱一向唔叻表情管理:「我唔想畀太多框框同包袱自己,所以表情管理做得比較差,我都有試過喊得好核突,但隨住唔同劇情需要,唔同程度嘅傷感都要用唔同嘅表情同力度去處理。」

提到劇中「知己」迦南不求回報對Charlie母子照顧有嘉,甚有「工具人」Feel,笑問現實中可曾「收兵」?Ali即自嘲「冇咁好彩」,因私下性格較Man:「我係好多嘢自己搞得掂就自己搞掂,因為我唔鍾意煩人,同埋如果知道對方對我有意思,我唔鍾意就會即時出聲,因為我抵受唔到明明唔鍾意,但又要扮鍾意或互Flirt,呢方面我呃唔到自己。」

 

圖片來源:劇集截圖 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓