網民熱議：揀觀塘凱滙定啟德一號好？ 觀塘烏煙瘴氣？啟德好荒無、少商場？

觀塘係假市區？啟德先係真市區？
樓主表示啟德一號雖比凱滙貴約5%，但似乎啟德一號更為優質，所以就問到一眾網民若於明年入市應唔應該揀啟德一號好：「而家凱匯(滙)2手17000-18000(一呎)， 啟德就貴5%左右，啟德一號好像優質好多。想明年年中入市，是否應該選啟德一號呢？」。有網民就認為應該揀啟德一號，全因地段上啟德先係真正嘅市區：「梗係啟德，地段已經差一截，因為地段上啟德才是真市區比較近CBD(核心商業區)，觀塘只係邊皮市區，去中環都多站D(啲)，凱匯(滙)始終是假市區，去金中(鐘)會展十幾個站或者轉兩次，去中環都比啟德遠」。

有網民認為觀塘離金鐘及中環等地較遠，屬於假市區，而啟德鄰近核心商業區，才是真正的市區。

啟德交通唔方便？大部份樓樓下冇商場？
對於有網民雖指啟德為真市區，但有網民就認為啟德地理位置差之餘，交通亦唔方便：「先天兩頭唔到岸嘅地理位置」、「啟德環境好，不過好唔方便，次次去我朋友到(度)，又要去鑽石山轉車，個轉站行好遠」、「我都覺得唔方便！」，有網民就更以荒無嚟形容啟德，並指出大部份私樓樓下冇商場，非常不便：「凱匯(滙)在觀塘市中心， 點都方便過荒蕪(無)的啟德，住啟德要過"跑步人生"」、「我幾天前去啟德看樓，發覺啟德很多樓盤摟(樓)下沒有商場，行去shopping mall好唔方便。行去地鐵沒有嘢za(遮)頭。就算啟德將來有很多shopping mall，講真現代人很少行公司。當然同樣價錢買啟德，但凱匯(滙)有折樣(讓)情況下，覺得凱匯(滙)好些」。

有網民認為啟德雖環境好，但地理位置不佳，交通亦不便。

有網民則指啟德較為荒無，有不少私樓樓下都沒有商場，對日常生活會造成不便。

觀塘屬舊區少中產住？重建後或會不一樣？
至於凱滙，有網民就認為觀塘區屬於舊區，有較多舊樓以及公屋，區內甚少中產人士聚居：「凱滙喺舊區，買都傻比(畀)發展商食盡晒」、「觀塘只有巿中心有2,000伙私樓，其餘係舊樓和公屋，根本難以匯聚中產聚居」，不過有網民就指觀塘正在規劃重建，於十數年後或有一番新景象：「十幾年後可能完全不同，參考澳(奧)運站！」、「凱匯(滙)隔離(籬)還要起地標性的商業中心，比APM還要大，市中心全部重建，但係要等！」、「十多年後，重建成形後，我覺得有憧憬！」

有網民指凱滙位於觀塘舊區，區內有不少舊樓和公屋，而私樓則佔少數，難以匯聚中產人士聚居。

亦有網民認為觀塘於不久的將來會進行重建，可期待十數年後區內會截然不同。

觀塘烏煙瘴氣？單位面向鐵路會影響風水？
亦有網民指觀塘雖方便，但環境差，人多車多之餘，品流亦複雜：「凱匯(滙)方便有APM，不過舊區下邊好多老雞企街，環境差好多」、「凱滙附近又舊又雞竇人又多，馬路塞到阿媽咁又污煙漳氣，其實根本唔岩(啱)人住」、「觀塘烏煙瘴氣，理性中產、白領儷人及代宮(官)山媽媽黨寧願揀啟德囉」，更有網民認為居住於凱滙部份面向鐵路嘅單位更會影響財運：「凱匯(滙)望住鐵路軌個(嗰)邊千祈唔好買，99%財來財去」。

有網民認為觀塘環境烏煙瘴氣，人口非常稠密，而更有不少人於區內從事賣淫活動。

亦有網民認為居住於凱滙當中面向鐵路的單位會對財運造成影響。

text/Jonathan
photo/HKET圖片庫

========
同場加映：
【蝸居睇樓團】鰂魚涌風水屋靚裝大變身 遷就床頭方位三房變四房、超強儲物衣帽間