今年《萬千星輝頒獎典禮2022》賽果大致符合民意，其中最令人喜出望外的要數「馬來西亞最喜愛TVB女主角」劉佩玥（Moon），力壓三位一線花旦唐詩詠、胡定欣、李施嬅，首次榮登「大馬視后」。入行已經第10年的劉佩玥，攞獎後終於名正言順再度升呢，在新劇《奪命提示》擢升為女一擔正！
現年33歲的劉佩玥，於2013年參加《香港小姐競選》獲得季軍而入行，敗於冠軍陳凱琳、亞軍蔡思貝，其後奮鬥幾年於2018年首次在劇集《跳躍生命線》擔正女一，劇中與馬德鐘、何廣沛合作，惟角色迴響不大。雖然同年Moon再有《救妻同學會》擔正女一演出，惟水花同樣不大，未能承接早年的聲勢，反而多了些雞仔聲的批評。
之後幾年至今，劉佩玥未能企穩女一之列，由主角之列跌回配角身份，近一兩年接下的角色都只是女配角，包括《七公主》、《換命真相》、《把關者們》、《逆天奇案》等，直至去年在《美麗戰場》才憑「李靜兒」一角再露鋒芒，扳回演技好評，雖然失落了女飛躍，但就升呢「大馬視后」。
劉佩玥這次時隔5年再度擔正女一，在剛開拍的新劇《奪命提示》，與監製文偉鴻再度合作，其他主演包括陳山聰、張振朗、劉穎鏇，再以時裝警匪為主題，故事大綱圍繞犯罪集團與來自未來的神秘訊息，再偵破一宗宗離奇命案，劇味十足。
►同場加映：【衝出嚟玩】南丫島北角碼頭出發！全平路家樂徑30分鐘抵達榕樹灣大街！牙較灣眺望發電廠三支煙囪打卡
圖片來源：IG@劉佩玥、節目截圖、劇集截圖
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
