目錄
利是公價2026｜親戚/同事/保安派幾多？同事仔女都要俾？回禮利是封幾多錢？
就到農曆新年，每逢新年當然唔少得派利是，不過唔少人都會煩惱利是金額到底應該派幾多，同事、保安、同事子女都要俾？回禮利是又封幾多錢？以下為大家列出「2026利是公價」，打算派開工利是、利是的朋友可以參考一下以下建議利是金額啦！
傳統習俗過年由正月初一至元宵佳節（正月十五）都是派利是的黃金時間，喻意向親友送上新春祝福。派利是金額通常按親疏遠近由$20至$100不等，最重要是緊記「好事成雙」的原則，金額必須封雙數才夠好意頭。以下為大家整理了馬年建議利是金額，準備封利是的家長不妨參考！
派利是公價2026︱家人/親戚/回禮利是
跟親戚拜年派利，利是金額一般介乎$50至$500不等，可根據與親戚的關係、熟悉程度而定。如果親戚拜年有送禮，則可以預備$20至$50的回禮利是，喻意「有來有往」。
| 派利是對象 | 派利是建議金額 | 派利是建議金額原因/備註 | |
| 仔女 | $100至$500或以上 | 派給仔女的利是通常$100起跳，視乎年齡及家長的經濟能力而定，有的會派到$500或以上 | |
| 直系親屬（父母、公公婆婆、外父外母、祖父母） | $500至$2,000或以上 | 一般視為最重要的一封，建議$500起跳，有能力的可過千，以表達孝心和感恩，同時亦視乎是否同住、是否經常幫忙照顧孫等來調整 | |
| 孫仔孫女、直系後輩 | $100至$500 | 與仔女派利是公價接近，長輩多數會按孫仔孫女的年齡、讀書/出來工作與否，再上下調整 | |
| 親戚後輩（侄仔侄女、外甥、表堂兄弟姊妹的仔女） | $50至$500 | 關係一般的可封$50至$100，特別錫愛的可增至$200至$500 | |
| 朋友的仔女 | $50至$200 | 派利是金額屬心意性質，通常較親戚略低，但又要體面 | |
| 已婚兄弟姊妹 | $50至$200（象徵式互派利是） | 已婚同輩之間通常屬象徵式利是，重禮數不重金額，可與對方協調統一金額，以免尷尬 | |
| 長輩之間互派 | $50至$200（視乎家族文化） | 傳統上利是主要是長輩派俾晚輩，因此有些家族長輩之間不特別互派，但有些則會象徵性交換利是，金額通常不高 | |
派利是公價2026︱職場/同事開工利是
打工仔和同事日見夜見，農曆新年假期後上班通常都會收到已婚同事的利是，利是金額可視乎合作時間、相熟程度安排。如果是經常合作的同事一般可以封$50至$100，而只是普通同事、較少有接觸的同事一般封$20就可以。如果有相熟而有子女的同事，亦可以考慮封$20至$50給他的小朋友。
| 派利是對象 | 派利是建議金額 | 派利是建議金額原因/備註 | |
| 相熟/同組同事 | $50至$100 | 同組或合作緊密同事一般$50起跳，關係很好可去到$100，反映日常合作及人情往來 | |
| 不相熟同事 | $20至$50 | 對一般同事建議一致地派$20至$50，主要是禮貌性質，避免壓力太大 | |
| 下屬/直屬團隊 | $50至$100或以上 | 阿頭/主管或老闆對直屬下屬，可派$50至$100或以上，如公司文化較重人情，可適度加碼，作為鼓勵及打氣 | |
| 上司/管理層 | 一般由上司派俾下屬，晚輩不一定要派 | 上司多數是派利是的一方，下屬未必需要回封；若想表心意，可改以小禮物或請飲品代替 | |
| 同事仔女 | $20至$50 | 同事帶小朋友來拜年或參加公司活動時，一般封$20至$50，屬順手意思利是 | |
派利是公價2026︱保安/茶樓侍應/清潔工等
除此之外，新春期間大家亦會接觸到不少對象，例如屋苑保安、酒樓侍應、公司茶水清潔員等，對此一般建議封$20利是以表心意，如果有比較熟的保安則可考慮封$50至$100。
| 派利是對象 | 派利是建議金額 | 派利是建議金額原因/備註 | |
| 大廈保安/管理員 | $20至$50 | 保安、公用大廈職員介乎在$20至$50，若日常特別照顧，可加至$100以示感謝 | |
| 大廈清潔、垃圾房職員 | $20至$50 | 清潔與保安並列，公價大致相若，建議同一屋苑職員盡量金額一致，避免比較，但熟絡的人士可加至$50或以上 | |
| 管理處職員、禮賓 | $20至$50 | 和保安屬同一類型的前線服務人員，可視乎是否經常幫忙處理包裹、代叫車等服務調整 | |
| 鄰居 | $20至$50 | 對門或特別熟絡的鄰居建議封$50，一般點頭之交則派$20已足夠，主打禮貌及氣氛 | |
| 酒樓侍應、茶樓服務員 | $20至$50 | 酒樓/茶樓侍應一般建議派$20至$50，通常按餐飲消費水平及服務態度加減 | |
| 外賣員、速遞員 | $20至$50 | 如經常幫忙送樓上樓下、天氣惡劣時仍準時送達，可加碼至$100以示支持 | |
派利是公價2026︱家傭/工人/補習老師等
至於日常接觸的人，如導師或鐘點，一般建議封$50至$200。而全年辛勞工作的屋企姐姐，利是金額則由$200至$500起跳，視乎表現及年資而定。
點擊圖片放大
| 派利是對象 | 派利是建議金額 | 派利是建議金額原因/備註 | |
| 全職外傭/屋企姐姐 | $200至$500或以上 | 外傭通常會收到較高金額利是，因全年幫忙家務、照顧小朋友，金額可視乎年資及表現而加減 | |
| 鐘點清潔工、臨時幫工 | $50至$200 | 一般建議以一次工作報酬的大約一成至三成作為利是參考，既表心意又不致負擔過重 | |
| 補習老師、興趣班導師 | $50至$200 | 視乎授課頻密度及關係親疏，通常範圍在$50至$200 | |
註︰以上資料僅供參考。
相關文章︰
給相熟或同組同事，建議金額為$50至$100。給一般或較少接觸的同事，建議$20至$50，主要是禮貌性質。
一般建議封$20以表心意。若與保安或清潔人員較為熟絡，可考慮封$50至$100，以示感謝。
港生活人氣本地熱話
↓【送】各大商場馬年利是封🧧！↓
↓ 第一擊齊集11間商場利是封！款式多元又有心思！↓
↓【限時搶⚡】鮮甜紫菜味脆條↓
↓原材料粒粒、香濃又甜美↓
假日好去處