網民熱議：邊一個屋苑嘅會所係世界級？柏傲莊？名城？珀麗灣？凱旋門？尚悅？
香港有唔少私人屋苑都設有會所以供住客享用當中嘅設施，而香港眾多嘅私人屋苑會所當中，邊一個又會比較好呢？最近就有網民喺連登討論區上發文，叫一眾網民列出自己認為擁有世界級質素會所嘅私人屋苑，就引起一眾網民嘅熱烈討論！
柏傲莊係世界級？對住街市烏煙瘴氣？
樓主就表示位於大圍嘅柏傲莊係其中一個私人屋苑擁有世界級質素嘅會所，不過有網民就表示唔認同，並認為柏傲莊面向住街市大街，環境烏煙瘴氣，會所嘅優美景色將難以保持：「對住個街市大街，烏煙瘴氣，唔知呢個翠綠境(景)keep唔keep到3年」、「過多兩年仲keep到先算啦」，亦有網民認為柏傲莊嘅會所需用上高昂嘅管理費去保持質素：「依啲級數嘅會所擺明係用管理費補貼架(㗎)啦」。
樓主認為柏傲莊的會所是世界級，但有網民則認為因會所面向著街市，感覺烏煙瘴氣。
名城設施多？珀麗灣有4個會所？凱旋門有維港景？
而一眾網民亦紛紛講出邊一個私人屋苑擁有高質素嘅會所，有網民就認為位於大圍嘅名城係其中之一，因其會所設施非常齊全：「大圍名城？跟個FD去過一次，入面好似好多野(嘢)玩，又室外內泳池，又有體育館，又有轆齡，又有得唱K」，有網民就指珀麗灣有4個會所之餘，設施亦齊全：「有四個會所先叫會所，珀麗灣」、「佢個會所算幾好，乜都有」，亦有網民認為凱旋門嘅會所因望到維港景色，就足以達到世界級水準：「九龍站凱旋門會所，淨係個維港景已經世界級」。
有網民指名城的會所設施齊全，有齊室內外泳池、體育館、保齡球場及卡拉ok設施等等。
亦有網民指珀麗灣坐擁4個會所，設施包羅萬有。
而凱旋門的會所可飽覽維港景色，被網民大讚為世界級。
陽明山莊有藝術品睇？尚悅會所又大又華麗？
另外有網民就指陽明山莊嘅會所亦係世界級，因會所坐擁收藏館，展出了多位知名藝術家嘅作品：「陽明山莊，會所有收藏館，齊白石、Andy Warhol既(嘅)作品都睇到」，不過有網民就認為藝術畫作其實並唔多人會識得欣賞：「10個住客，9個都唔識欣賞，剩番(返)一個係扮識欣賞」、「正常人都唔會咁無聊走去會所睇畫啦」。亦有網民認為有「元朗凱旋門」之稱嘅尚悅亦擁有相當華麗嘅會所：「元朗凱旋門」、「幾年前第一次入去嗰陣哇左(咗)出聲，勁grand，仲要睇唔出入面咁大」，但有網民亦指出尚悅嘅會所雖然靚，不過單位嘅質素參差，更有漏水問題：「D(啲)屋嘅質素差到，同廿年樓差唔多」、「最大問題係漏水囉」。
有網民指陽明山莊的會所有如齊白石及Andy Warhol等多位知名藝術家的作品展出。
亦有網民指尚悅的會所華麗之餘，面積亦相當之大。
多數會所都係華而不實？有唔少設施其實冇人用？
不過有網民就指其實大多屋苑嘅會所都華而不實，公屋反而會有更多嘢玩，亦無需交管理費：「其實好垃圾，好多都係華而不實，公屋有好多公屋都大好多同多野(嘢)玩好多，又唔使額外俾管理費」、「都係鐘(鍾)意以前舊式屋苑有個公園個(嗰)隻，而家d(啲)會所鬼五馬六又唔實用，以前唔洗(使)去街(落)個(嗰)d(啲)公園玩不知幾開心」，更有網民指會所內有唔少設施嘅使用率都相當低：「真，好多起左(咗)出黎(嚟)幾年都唔知有冇用過十次，好似純粹只係為左(咗)份售樓書多個item寫咁，好似起個好似tgc果(嗰)d(啲)showroom kitchen咁，原本係比(畀)d(啲)阿太約埋一齊上cooking class咁，入伙之後真係冇用過，長年維修中，會所又唔搞d(啲)course」。
有網民認為有不少屋苑的會所並不實用，會所內更有不少設施的使用率相當之低。
text/Jonathan
photo/HKET圖片庫
=======
同場加映：
【蝸居睇樓團】龍師傅話你知！2023兔年家居風水佈局！旺桃花、財運擺啲乜 ?
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
↓【出POST即賺錢】《社群》再派錢！立即參加～↓
↓立即參加！賺取無上限現金賞💰↓
