每逢農曆新年，保安總會特別殷勤，住戶一般「識做」派利是。這舉動或者讓部分人感到困擾，有網民在Facebook上載一張屋苑管理處通告，指屋苑嚴禁保安向住客索取過節賞錢或禮物。更明言如有違規，住戶可記下員工資料，向管理處聯絡。帖文旋即引來熱議。
有網民在facebook群組「巴打絲打 Facebook Club」發文並附上一張管業處通告照片，標題為「有關︰禁止索取過節賞錢」，內文指管理公司嚴禁屋苑員工藉詞向商戶、承辦商或住客索取節賞、金錢或禮物。即在農曆新年期間，包括保安員、清潔工在內的員工，不能主動向住客逗利是。通告更提醒住客，如發現員工有以上行為，住戶可以舉報。
點擊圖片放大
雖然通告貌似是保安人員的惡夢，但不少網民認為保安向住戶講恭喜發財「拜年」，住戶大多都「識做」畀利是，「所有場都會咁樣貼㗎啦。佢意思係話唔可以主動索取利是，但係住戶主動攞過嚟就可以照收」。有人認為一年得新年幾日，派利是大家開心無傷大雅。
不過，有人擔心如何沒有畀利是，來年或會不好過。亦有人同意，指「應該要制止啦 保安企正係個門口度係咁講恭喜發財 保安主任帶頭 好似劫匪咁」。有網民提出反擊方法，「用打印機打印一堆細張嘅紙, 寫住「工作愉快」「身體健康」「步步高陞」....呢類恭賀說話, 入落利是封, 派畀保安員, 送上最好嘅祝福」
點擊圖片放大
來源：Facebook
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
