網民熱議：住喺海邊有咩唔好？好潮濕皮製品易發霉？夜晚感覺好抑鬱？

住海邊又潮濕又污糟？海景喺夜晚咩都睇唔到？
樓主就表示自己住喺海邊，但卻唔鍾意住喺海邊嘅感覺，並指住喺海邊有令人抑鬱、潮濕、污糟等嘅問題：「夜晚大霧嗰時陰陰暗暗，好抑鬱。啲船係咁響安（咹），冇錢買雷達唔好學人行船啦。仲要潮濕，乜x都發霉，啲皮啊suede啊一年玩完。啲水又唔係水清沙幼，污糟邋遢」，有網民就表示認同，並不解海邊嘅樓點解要賣得貴啲：「事實，唔知點解要賣貴d(啲)」，亦有網民舉例指屯門慧豐園嘅海景喺夜晚係漆黑一片，完全唔識欣賞：「識人住屯門慧豐園，夜晚過(個)海黑孖孖，真係唔識欣賞」。

有網民認為居住於海邊有潮濕、嘈吵、令人感到抑鬱、污糟等的問題，並對位於海邊嘅單位售價卻更高表示不解。

有網民指屯門慧豐園的海景於晚上漆黑一片，實在不懂得欣賞。

香港住山邊好過海邊？海景隨時會受填海影響？
而有網民就認為係香港嘅海質素比較差，唔夠藍之餘水亦都污糟，並認為住於山邊會更加好：「香港嘅汴(海)麻麻地係真，唔夠藍，天氣又一時時，水又污糟，自己會選擇住山邊清靜好過對海」，更有網民指於海邊嘅樓日後有機會因填海起樓嘅關係而影響到目前嘅海景：「仲有一點好x嘅就係，有啲地區有機會三廿年後填海，你俾人遮住個海景，而家好多樓都係以前海岸線出面」。不過有網民就認為其實住得唔近海邊亦會有潮濕嘅問題：「唔住海邊都會潮濕架(㗎)啦」，亦有網民建議樓主唔鍾意住喺海邊的話就應該搬走：「唔鍾意咪搬」。

有網民指香港的海質素一般，天氣不穩定之餘，海水亦污糟以及不夠藍，認為居住於山邊更好。

亦有網民指現時有海景的單位隨時會因填海起樓而令海景被遮蔽。

text/Jonathan
photo/HKET圖片庫
========
同場加映：
【蝸居睇樓團】太古40年舊樓變身美式復古屋 打卡藍精靈畫牆、花磚Ｘ棋盤格添活力感