網民熱議:新樓維港匯 vs 舊樓君匯港邊個買得過? 維港匯有垃圾惡臭問題?

文: U Magazine
2023.03.24

買樓係人生重大決定,有時同區屋苑條件價錢相若,真係好難抉擇。好多網民都鍾意喺連登討論區問其他網民意見,今次就有目標係西九龍屋苑嘅網民,問如果喺維港匯同君匯港之間,應該點樣揀?網民唔單止細心比較兩個屋苑利弊,仲反建議其他屋苑,究竟西九區邊個屋苑最高質呢?

維港匯睡房向公屋景   仲有污水處理廠臭氣?
面臨買樓抉擇嘅係樓主嘅朋友,考慮係咁樣:「唔考慮價錢,維港匯定係君匯港較好?維港匯有海景,但行去南昌站要7分鐘又冇上蓋。君匯港去奧運站有上蓋,但樓齡十幾年」,但網民都分別指出兩個屋苑都各有缺點,以新樓維港匯為例,原來好多網民認為座向好有問題:「維港匯OK,但係向公屋果面好黑」、「佢得廳同主人房向海,起碼至少兩個房向海囉要,後面向公屋不是問題,但係很黑」、「得3A座D單位有一間睡房向公屋,其他都係士多房同工人房,話唔埋向公屋間睡房都預比(畀)工人用」、「都係工人房/士多房/廚廁向公屋,唔好咁上心姐姐嘅感受就得」。除咗房間會向公屋,原來仲有惡臭問題:「污水處理廠隔離,真正臭味範圍,咁都話ok?你要求咁差?你沿昂船洲方向行5分鐘嗰陣臭味你聞過未?」、「米兄,維港匯前面低層仲唔得, 有垃圾收集站同污水處理廠,中高層就OK」、「維港匯樓下好唔開胃,仲衰過海富苑」。

有網民話維港匯唔少單位嘅房間,都係只有向旁邊公屋海盈邨嘅景觀。

原來維港匯對面有污水處理廠,網民話時畀惡臭攻擊。

網民話維港匯附近仲有垃圾收集站,為避惡臭,最好揀中高層單位。

點解唔揀一號銀海同浪澄灣?!
有網民認為比較呢兩個屋苑:「君匯港露臺大所以房細,如果望海西九公路勁吵;維港匯新,海濱道環境好,但系(係)行去地鐵站遠,會淋雨」,但有網民表示兩個屋苑都唔會揀:「兩個都揀唔落手,俾我揀我會揀帝峰・皇殿」,但有好記性網民回應:「果度好似試過有空中飛人喎」。

原來樓主朋友,係有3 個心水單位,唔知點抉擇:「如果維港匯,匯璽,君匯港三者比較呢?維港匯490呎,1,250萬;匯璽535呎,1,380萬;君匯港478呎,1,000萬出頭,都是可以睇到海景的,我朋友現在糾結這三個」,有網民建議揀匯璽:「梗係CW(匯璽),呎價已經反映;HR(君匯港): 已經舊;GV(維港匯): 冇商場,行去南昌好遠,冇瓦遮頭」,不過有網民就另有提議:「果頭只有一號銀海同 浪澄灣比較好,其他全部唔建議」、「低調浪澄灣低水」。

有網民評君匯港,露台大但房細,如果望海單位,向西九公路方向會勁嘈。

網民反建議樓主,不妨考慮比較低水嘅浪澄灣。

text/Joyce
photo/HKET圖片庫

========
同場加映:
【家居達人】10個快速乾衣貼士 提高抽濕機效能、晾衫小妙招



用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用🎁】RMK全新底妝系列!↓

↓全新原生光感隔離霜 x 零瑕絲絹粉底液↓

↓全新原生光感隔離霜 x 零瑕絲絹粉底液↓

↓【社群送禮】出發賞櫻送旅行現金!↓

↓日本GO!輕鬆帶走,000現金券↓

↓日本GO!輕鬆帶走,000現金券↓