年三十晚食過年夜飯，去行花市尋寶，係好多人年末的指定活動！今次就由專家講吓點揀劍蘭、桃花、百合、銀柳、菊花等幾種花市常見又易拎回家的年花，揀得啱為新年帶來福氣！
劍蘭
劍蘭寓意步步高升，卉豐花業的 Cherry 指，劍蘭本身是襟開的花，一層層地開花，放10-14日都可以。
選購時要買見到花蕾，不要買太生全棵青色只只有緑葉的，因為未必能成功開花。
Cherry 教路，劍蘭買回家後在劍蘭頂搣一搣，就會開得更靚。
桃花
桃花催旺桃花運，但經常有人將桃花和梅花混淆。
桃花以粉紅色和深粉紅色為主，中間有黃色花蕊，橢圓形。
記得不要買未開花、睇唔到顏色的，要買粉紅色、花苞大的。
另外，枝條盡量揀直身，花苞分佈平均的。
百合
百合有百年好合之意。揀百合要揀花苞大的，花朵愈長花開得愈大，開花後可放4-5日。
開花後一定要剪走花蕊，因為百合花粉染色力強，會弄污家居其他布置。
串串金
希望發財的朋友要買串串金，因為整串花開了，好似黃金一樣。
銀柳
銀柳，有又有樓，但銀柳全枝都有花，運送時會甩好多花。
所以購買要睇花蕾齊唔齊全，或者會唔會比較少花，另外枝條要粗。
想銀柳耐放，就不要用水養，因為有水就會開花，不放水就可維持花蕾狀態成年咁長。
菊花
菊花寓意大富大貴，而且襟擺。
枝條粗壯、不怕曬、不怕熱、不怕凍，花莖不剪腳都一樣開花，而花樽水又不會變得很臭，非常易打理。
揀菊花無論花朵幾大幾靚，要睇它的葉，因為菊花有病的話，葉片會有斑點或變黃。
【INFO】
卉豐花業
地址：九龍太子道西 162-164 號 13-15 號地舖
電話：2381 5531
營業時間：7am-8pm
網址：https://www.wayfoongflorist.com/
========
同場加映：
【蝸居睇樓團】龍師傅話你知！2023兔年家居風水佈局 旺桃花、財運擺啲乜+雙春兼閏月宜婚嫁+股市投資邊類掂
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
