網民熱議:黃埔私人屋苑大比拼!黃埔花園VS海濱南岸點揀好?

文: U Magazine
2023.01.27

黃埔係傳統嘅中產區,區內就有唔少嘅私人屋苑,當中有新亦有舊,而如果想喺黃埔買樓又應該揀較新嘅樓定係舊樓會好啲呢?早前就有網民喺香港討論區上發文,問同屬黃埔區內嘅黃埔花園同海濱南岸呢兩個私人屋苑邊一個會較好,就引來一眾網民嘅熱烈討論,紛紛發表對呢兩個私人屋苑嘅意見!

有小朋友應揀黃埔花園?可方便小朋友學習?
樓主表示正考慮購買海濱南岸或黃埔花園呢兩個私人屋苑嘅單位,並指黃埔花園雖比起海濱南岸大,自己亦都有小朋友,但亦對黃埔花園樓齡高而有所憂慮,所以就問到一眾網民嘅意見:「請教下(吓)海濱南岸中高層開陽(揚)有海景590呎VS黃埔花園732-777呎會點揀?有小朋友。黃埔已經37年樓齡,會唔會好似宜家的美孚新邨,八文樓,只會跌價,好難升?所以兩者將來的升值潛力邊個好D(啲)?PS:半島海逸買唔起」。

有網民就認為樓主有小朋友的話,揀面積較大嘅黃埔花園會比較好,並指黃埔花園方便小朋友學習不同嘅事物:「有小朋友,黃埔花園。冇小朋友,海濱南岸」、「有小朋友,size緊要過靚。你又話買唔起半島海逸,咁梗係黃埔花園啦。有細路住黃埔花園,唔駛(使)諗去邊度學嘢,5分鐘步行距離內學乜都有。濱南(海濱南岸)都要走返過黎(嚟)黃埔天地」

有網民認為有小朋友的家庭應選擇單位面積較大的黃埔花園會較好。

亦有網民指住黃埔花園有便於小朋友學習。


黃埔花園性價比高?舊係唯一缺點?
亦有網民認為黃埔花園性價比高,空間感大,但就有比較舊嘅缺點:「黃埔大件夾抵食,性價比高,大西北價13000呎買真市區,唯一缺點係舊」、「黃埔,尤其是777(意指777呎單位),空間感大好多,不過舊」、「黃埔唯一缺點就是樓齡高」,但亦有網民強調舊樓嘅問題多多,建議買舊樓要多加考慮:「你住過舊樓未?滲水漏水牆裂乜都有,仲要預大筆錢大維修,同埋紅磡區份都麻麻」。

網民指黃埔花園性價比高,單位空間感大,但唯一的缺點是樓齡高。


而有網民則認為舊樓易有滲水、漏水及牆裂等的問題,更要預留不少金錢為樓宇作大維修。


要新要會所應揀海濱南岸?同區內嘅海名軒更好?
而有網民就認為如三房兩廁嘅單位可滿足到樓主嘅要求就可選擇海濱南岸:「如你只需最基本三房兩廁,就海濱,但每様嘢都好細」,亦有網民指若要追求新淨同有會所就應該揀海濱南岸:「追求新、會所就海濱南岸」、「海濱十幾年新淨好多」。另外有網民就認為呢兩個私人屋苑其實都唔好,建議樓主應買同區內嘅海名軒:「草(儲)多啲錢買海明軒啦!買埋啲唔係人住嘅地方就不如唔好買啦」、「紅磡只有海名軒先勉強住得人」。

有網民認為海濱南岸比起黃埔花園新淨不少,要追求新以及要有會所的話就應選擇海濱南岸。


亦有網民指黃埔花園及海濱南岸都並不好住,建議買同區內的海名軒會更好。


text/Jonathan
photo/HKET圖片庫
========
同場加映:
【蝸居睇樓團】2023兔年家居風水佈局 : 病位要點化解?文昌位屋企中間擺富貴竹?貼揮春禁忌!


用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓