開心速遞|炎明熹空降《愛回家》驚喜客串一集 年初五突襲做自己原來係忠實劇迷

文: 羅志宏
2023.01.27

炎明熹空降《愛回家》!TVB長壽處境喜劇《愛‧回家之開心速遞》於最新一集再送驚喜彈,自出道以來人氣有增無減的《聲夢傳奇》第一季總冠軍「傳奇新星」炎明熹(Gigi)登場客串演出,在年初五為觀眾驚喜客串一集,Gigi劇中演回自己,大搞粉絲見面會!

據知,炎明熹這次僅為農曆新年驚喜客串一集,並非正式加入劇組長駐演出。Gigi在劇中演回自己,以歌手「炎明熹」的身入登場,在「新威龍廣場」大搞粉絲見面會,在活動上為粉絲簽名,表情多多貫徹火星人性格,更引發起「宋飛立」與「黃技蘭」的暗戀小故事,相當搞笑。

對於首度獲邀「空降」《愛‧回家》,Gigi坦言大感興奮,並直認由小學時開始已是捧場客:「我有追開《愛‧回家》,時間許可,我會準時八點鐘喺電視面前觀看,佢哋嘅內容會令到我睇完之後好開心,佢哋每集又會帶出一啲信息,我覺得好生活化。呢個處境劇我係由細睇到大,小學時係《八時入席》,之後再到後尾有唔同系列。」

Gigi又指能與劇中角色真正合作,感覺既榮幸又夢幻:「真係不可思議,冇諗過以前甚至依家睇緊嘅劇,會有機會遇到佢哋(劇中角色),雖然有時喺TVB會遇到大家,但唔會真係話傾偈嗰種。」Gigi續指劇中最尊敬角色是丹爺,並爭取機會與對方合照:「我知佢做咗好耐《愛‧回家》。我好開心可以加入呢個大家庭,因為我見到佢哋好似屋企人咁相處,佢哋會互相叫對方阿爸、家姐或者阿妹,然後佢哋亦都好照顧我。」

另外Gigi還大讚劇中道具相當像真:「我覺得有個好得意嘅地方,我一直以為新威龍廣場係一個真嘅廣場,然後Key個名落去,後來我知道原來係一個廠景,係特登搭出嚟,我覺得好神奇,同埋入面啲產品同店名都好得意,同嗰個𨋢真係好真。」

Gigi更透露拍攝當日遇到兩名相當可愛的小朋友,並很高興對方提出合照要求,Gigi當時還拿出兩顆朱古力氹小朋友開心,行徑與小朋友一樣可愛,Gigi興奮地說:「嗰日誤打誤撞帶咗兩粒朱古力,其實原本我係想試吓個味,因為冇食過,最後我就一人一粒畀佢哋食,啱啱好,Yeah!」

►同場加映:【衝出嚟玩】灣仔姻緣石脫單行山路線!新春行大運2小時行勻藍屋/姻緣石/童話木屋打卡位

圖片來源:劇集截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓