舞台劇《愛我別走》|今早開賣高峰期逾60萬人排隊!2.5小時售罄 粉絲跪求加場或開網上直播

文: 王庭芝
2023.01.30

黃子華與林海峰首度合演的舞台劇《愛我別走》今日(30日)正式公開售票,上午11時於指定購票系統Popticket隨機派籌,一開賣已經見到有超過30萬人排隊,高峰期更有逾60萬人排隊,不少粉絲都在舞台劇官方Facebook「圍爐」,表示對購票感到絕望。

西九文化區戲曲中心大劇院座位數目約1千,按此推算,舞台劇《愛我別走》將於2月公演43場門票合共約有4萬多張,Popticket系統於今早踏正11時自動跳轉至隨機派籌排隊畫面,記者所見,系統一開賣已經有至少34萬人輪候買飛,高峰期更有逾60萬人輪候,系統會定時更新門票售出情況,開賣約半小時,系統顯示有20%門票售出,而截至中午12時正就已經售出60%門票,到了12點半,系統更新門票已售出90%的訊息,並顯示「隊列已暫停」,而到了下1時26分,系統顯示所有門票已售罄。

►同場加映:【衝出嚟玩】懶人必去!九龍灣平山睇超靚日落行山路線!15分鐘登頂睇芒草/遠眺城市景打卡

黃子華、林海峰合作舞台劇《愛我別走》!2月戲曲中心公演(優先訂票/公開發售/門票詳情一覽)
毒舌大狀|盤點電影4大拍攝地 多場重頭戲於法定古蹟實地取景!深水埗前北九龍裁判法院/旺角麥花臣遊樂場/虎豹別墅

 

今早開賣後,有粉絲在舞台劇官方Facebook分享排隊買飛心得,有拎到4千幾號籌的網友成功買到飛,並大讚購票系統能讓市民清楚看到自己排第幾和門票餘額,而整體運作暢順。

有人歡喜有人愁,有不少籌號超過10萬的粉絲亦在FB「圍爐」,直言對成功買飛感到絕望,有粉絲跪求加場,不過都有人回應指以舞台劇受歡迎的程度,即使加幾多場都唔夠賣,而且今次賣飛不設實名制,估計有不少門票或者已經落入「黃牛黨」之手,有粉絲就建議加開網上直播場次,寧願隔住mon睇都不要「益黃牛」。

 

來源:FB@愛我別走、Popticket擷圖

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓